Elimizdiń ońtústiginde jaýyn-shashynsyz aýa raıy saqtalady — Qazgıdromet
ASTANA. KAZINFORM — «Qazgıdromet» RMK 14 shilde kúngi aýa raıy boljamyn jarııalady. Sınoptıkterdiń málimetinshe, elimizdiń basym bóliginde naızaǵaı oınap, jańbyr jaýady.
Soltústikte, ońtústik-shyǵysta jańbyr men burshaq jaýyp, soltústikte daýyldy jel bolady. Tek ońtústikte jaýyn-shashynsyz aýa raıy saqtalǵan. Respýblıka boıynsha jediń kúsheıýi boljanady, elimizdiń soltústiginde, ońtústiginde shańdy daýyl turady. Túnde jáne tańerteń elimizdiń batysynda, soltústiginde, shyǵysynda tuman boljanady.
Kúndiz Batys Kazaqstan, Atyraý, Aqtóbe, Soltústik Qazaqstan, Aqmola, Pavlodar, Qaraǵandy, Shyǵys Qazaqstan, Almaty, Jetisý, Abaı oblystarynda, Qostanaı oblysynyń ońtústiginde 35-39 gradýs qatty ystyq bolady. Al Jambyl oblysynda 38-42 gradýs qatty ystyq, Túrkistan, Qyzylorda oblystarynda 40-44 gradýs qatty ystyq boljanǵan.
Kúndiz Mańǵystaý, Ulytaý oblystarynda, Jetisý oblysynyń soltústiginde, ońtústiginde, Qaraǵandy, Qyzylorda oblystarynyń ońtústiginde 40-45 gradýs óte qatty ystyq kútiledi.
Aıta keteıik, elimizdiń ońtústiginde aptap ystyqtyń beti qaıtar emes. Shymkent pen Túrkistan oblysynda aýa temperatýrasy +40 gradýstan joǵary bolyp tur.
