Elimizdiń kúres túrlerinen ulttyq qurama bapkerleri taǵaıyndaldy

ASTANA. KAZINFORM — Elimizdiń erkin jáne áıelder kúresi quramalaryna bas bapkerler taǵaıyndaldy.

Qazaqstan kúres federatsııasynyń jalpy jınalysy ótti. Onda aldaǵy jyldarǵa arnalǵan strategııalyq baǵyttar men júıeli damý tetikteri talqylandy.

Jınalysta vıtse-prezıdent qyzmetine Atlanta Olımpıadasynyń jeńimpazy Melnıchenko ıÝrıı Vasılevıch pen London Olımpıadasynyń júldegeri Tańatarov Aqjúrek Dostyquly taǵaıyndaldy. 

Sondaı-aq, bas hatshy qyzmetine buǵan deıin «Qazaq kúresi» qaýymdastyǵynyń bas dırektory bolǵan Bekbosynov Damır Asenǵazyuly kiristi.

Al buryn vıtse-prezıdent bolǵan Nurjan Qataev, Dáýren Jabasov, Sabyrjan Zaınıdınov qyzmetin jalǵastyra beredi.

Sondaı-aq, otyrysta erkin jáne áıelder kúresinen ulttyq quramalardyń bas jattyqtyrýshysy laýazymyna úmitkerlerdiń kandıdatýralary qaraldy. Úmitkerler ózderiniń jeke baǵdarlamasymen tanystyrdy. Endi erkin kúresten Aslan Baıgýlov, áıelder kúresinen Ádilet Ermakovtyń kandıdatýrasy usynylyp, talqylandy.

— Aldaǵy mindet — kúres sportyn júıeli, ádil jáne turaqty damytý. Ár óńirdegi jumys ortaq talaptarǵa súıenip, qabyldanatyn sheshimder ashyq ári túsinikti bolýy shart, — dedi Erkin Oqasov.

Aıta ketsek, budan buryn grek-rım, erkin jáne áıelder kúresi federatsııasynyń prezıdenti bolyp Erkin Oqasov saılanǵan edi.