Elimizdiń qoımalarynda qansha kómir bar
ASTANA. KAZINFORM - 2024-2025 jylytý maýsymy turaqty, kommýnaldyq-turmystyq sektorǵa jáne halyqqa kómir jetkizý josparly rejımde ótip jatyr.
QR Ónerkásip jáne qurylys mınıstrliginiń baspasóz qyzmetiniń habarlaýynsha, 2025 jylǵy 12 naýryzǵa shamamen 7,84 mln. tonna kómir jetkizildi. Jyldyq jospar 99,7%-ǵa oryndaldy.
Eldiń kómir tuıyqtaryndaǵy otyn qory shamamen 442,4 myń tonna túrli markaly kómirdi quraıdy.
QR Ónerkásip jáne qurylys mınıstrligi janynan jergilikti atqarýshy organdarmen, «Qazaqstan temir joly» UK» AQ jáne kómir óndirýshi kásiporyndarmen birlesip halyqty jáne kommýnaldyq-turmystyq sektordy kómirmen qamtamasyz etý jónindegi shtab otyrysy kún saıyn ótkiziledi.
Óńirlerge kómirdi tıeýdi qamtamasyz etý, temirjol tuıyqtary men qoımalarynda kómir qorlarynyń bolýy, jolda tıelgen jáne keletin vagondardyń sany, tutynýshylarǵa kómir óndirý jáne tasymaldaý boıynsha problemalyq máselelerdi sheshý boıynsha monıtorıng júrgiziledi.
Óńirlerde kómir baǵasynyń monıtorıngi júzege asyrylady. Kómirdiń quny ótken jylytý maýsymy deńgeıinde saqtaldy.
Óńirlerdi kómirmen qamtamasyz etý QR Ónerkásip jáne qurylys mınıstrliginiń erekshe baqylaýynda.
Osyǵan deıin Qazaqstandaǵy munaı, gaz, kómir, ýran, lıtıı jáne altynnyń baǵasy týraly jazǵan edik.