Elimizdiń kóptegen qalasynda aýa sapasy nasharlaıdy
ASTANA. KAZINFORM – «Qazgıdromet» RMK Qazaqstan qalalaryndaǵy aýa sapasyna qatysty boljamyn jarııalady.
Sınoptıkterdiń boljamy boıynsha, 3 jeltoqsanda Astana, Almaty, Qyzylorda, Aqtóbe, Atyraý, Pavlodar, Balqash, Temirtaý, Jezqazǵan, Qaraǵandy qalalarynda aýanyń lastanýynyń qolaısyz meteorologııalyq jaǵdaılary kútiledi.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
