Elimizdiń kóp bóliginde tuman men jel kúsheıedi – 16 naýryzdaǵy aýa raıy boljamy
ASTANA. KAZINFORM – Qazgıdromet 16 naýryzǵa Qazaqstan aýmaǵyndaǵy sınoptıkalyq jaǵdaı men qaýipti aýa raıy qubylystary týraly boljamdaryn usyndy.
Sınoptıkterdiń málimetine sáıkes, elimizdiń soltústik jáne shyǵys óńirlerinde ótip bara jatqan tsıklonnyń áserinen túnde qar jaýady, al kúndiz batys aımaqtarynda jańbyr men qar jaýýy múmkin.
Qazaqstannyń qalǵan bóliginde antıtsıklondyq áser basym bolyp, jaýyn-shashynsyz aýa raıy saqtalady. Respýblıka boıynsha tuman, jeldiń kúsheıýi, soltústik pen shyǵys aımaqtarda jaıaý burqasyn, al batysta shańdy daýyl kútiledi.
Eske sala keteıik, buǵan deıin 15 naýryzda eldegi qaı joldarda qozǵalys tártibi ózgergenin habarlaǵanbyz.
