Elimizdiń kók baıraǵy Mılan tórinde jelbiredi – Týrızm jáne sport mınıstri

MILAN. KAZINFORM — Týrızm jáne sport mınıstri Erbol Myrzabosynov qazaqstandyqtardy elimizdiń qysqy Olımpıada oıyndarynan altyn medal alǵan tarıhı jeńisimen quttyqtady.

E.Myrzabosynov elimiz bul júldeni 30 jyldan astam ýaqyt boıy kútkenin eske saldy.

— Barlyq qazaqstandyqtardy osy trıhı altan medalmen quttyqtaımyn. Mıhaıl Shaıdorov osyndaı kúrdeli sport túrinen elimizdiń abroıyn asqaqtatyp, tarıhı jeńiske jetti, — dedi mınıstr.

Ol sonymen qatar bul jeńiske atqarylyp jatqan nátıjeli jumystyń arqasynda qol jetkenin basa aıtty.

— Sport — elimizdiń halyqaralyq bedelin kóteretin sala. Qanshama elder bizdi osy tarıhı nátıjemen quttyqtap jatyr. Qazirgi ýaqytta elimizde osy mánerlep syrǵanaý sııaqty kúrdeli sporttan medal enshileıtin sportshylarymyz bar. Biz barlyq sportshylarymyzǵa senemiz, barlyǵyna sáttilik tileımiz, — dedi Erbol Myrzabosynov.

Osyǵan deıin habarlaǵanymyzdaı, Mıhaıl Shaıdorov araǵa 32 jyl salyp, el qorjynyna qysqy Olımpıada oıyndarynyń kezekti altyn júldesin syılady. Marapattaý saltanatynan keıin sportshy BAQ ókilderine shaǵyn suhbat berip, qazaqstandyqtarǵa sálemin joldady.