Elimizdiń qaı óńirinde erler kóp — resmı statıstıka jarııalandy
ASTANA. KAZINFROM — Qazaqstanda 10 044 673 er azamat bar. Olardyń barlyǵy erteń Otan qorǵaýshylar kúnine oraı quttyqtaýlar qabyldaıdy, dep habarlaı Ulttyq statıstıka bıýrosynyń baspasóz qyzmeti.
Mereke qarsańynda erlerdiń jas qurylymy men óńirler boıynsha taralýy belgili boldy. Eńbekke qabiletti jastaǵy (16–60 jas) erler jalpy úlestiń 56,5%-yn quraıdy. Balalar (0–15 jas) — 30,2%, al 61 jastan joǵary azamattar — 13,3%.
Óńirler boıynsha erler eń kóp shoǵyrlanǵan aımaqtar qatarynda Almaty qalasy men Túrkistan oblysy kósh bastap tur — árqaısynda shamamen 1,1 mln er adam bar. Odan keıin Almaty oblysy (806,5 myń) jáne Astana qalasy (785,4 myń) ornalasqan.
Er azamattardyń ortasha jasy — 31,1 jas, al kútiletin ómir súrý uzaqtyǵy — 72,19 jyl.
Eńbek naryǵyndaǵy úlesi
2025 jylǵy derekterge sáıkes, jumyspen qamtylǵan halyq arasyndaǵy erlerdiń úlesi 51,6%-dy nemese 4,8 mln adamdy quraıdy.
- Jaldamaly jumysshylar arasynda — 50,6%
- Óz betinshe jumyspen qamtylǵandar arasynda — 55,1%
- Jeke kásipkerler arasynda — 54,7%
Salalar boıynsha erler kóbine ónerkásipte (16,5%), kóterme jáne bólshek saýdada (14%), aýyl sharýashylyǵynda (12,4%), sondaı-aq kólik jáne qoıma salasynda (11,1%) jumys isteıdi.
Eń belsendi eńbek jas toby — 35–44 jas aralyǵyndaǵy erler, bul sanatta 1,4 mln adam bar.
Tanymal esimder
Aıta keteıik, 2026 jyldyń alǵashqy bes aıynda Qazaqstanda er balalarǵa eń kóp qoıylǵan esim — Alan (817 jaǵdaı). Odan keıin Aısultan, Álıhan, Muhammed jáne Ramazan esimderi jıi tirkelgen.
Osyǵan deıin qazaqtar halyq sanyn qalaı eseptegenin jazdyq.
