Elimizdiń qaı óńirinde AÁK alatyndar kóp

ASTANA. KAZINFORM – Bıyl 11 aıda elimizde 36,2 mlrd teńge somasyna 77,6 myń otbasyndaǵy 411,3 myń adam ataýly áleýmettik kómek aldy. Bul týraly Ortalyq kommýnıkatsııalar qyzmetindegi brıfıngte Eńbek jáne halyqty áleýmettik qorǵaý vıtse-mınıstri Oljas Anafın aıtty.

— Óńirler bólinisinde AÁK alýshylardyń kóbi Túrkistan oblysynda — 20,3%, Shymkent qalasynda — 11,3%, Qyzylorda oblysynda — 8,2%, Almaty oblysynda — 7,9%, Jambyl oblysynda — 7,5% jáne Jetisý oblysynda — 7% baıqalady. Bul óńirlerge jalpy alýshylar sanynyń 62,2 paıyzy tıesili, — dedi vıtse-mınıstr.

Onyń dereginshe, AÁK alýshylardyń 55 paıyzy qalalyq jerlerde, al 45 paıyzy aýyldyq jerlerde turady.

— Áleýmettik mártebeler bólinisinde AÁK alýshylar arasynda kóbi balalar — 273,9 myń adam nemese 66,6 paıyz. Sondaı-aq alýshylar qatarynda ótinish bergen sátte jumysy bar adamdar — 14,3%, balalarǵa, múgedektigi bar adamdarǵa, qarttarǵa kútim jasaıtyn adamdar — 12,2%, múgedektigi bar tulǵalar — 0,6%, zeınetkerler — 0,2% stýdentter — 3,9%, jumyssyzdar — 1,4% jáne basqa sanattaǵy adamdar — 0,8%, — dedi Oljas Anafın.

Buǵan deıin AÁK-ke ótinish bergen azamat kiristeri men shyǵystaryn tekserýge kelisim beretindigin jazǵan edik.