Elimizdiń halyqaralyq rezervi 45 mlrd dollardan asty

ASTANA. KAZINFORM — Ulttyq banktiń aldyn ala málimetterine sáıkes, 2025 jyldyń qańtarynda Qazaqstannyń jalpy halyqaralyq rezervi 2,91 paıyzy ósip, 47 mlrd dollarǵa jetti.

Halyqaralyq rezerv qurylymyndaǵy monetarlyq altyn kólemi 8,36 paıyzǵa artyp, 25,8 mlrd dollardy qurady. Al eldiń taza halyqaralyq rezervti ótken aımen salystyrǵanda 3,29 paıyzǵa ósip, 45 mlrd dollarǵa jetip otyr. Degenmen, Ulttyq banktiń valıýtalyq aktıvi 0,56 paıyzǵa tómendep, 58,5 mlrd boldy.

Buǵan deıin Ulttyq bank Qazaqstan Respýblıkasynyń syrtqy boryshynyń kólemi 2024 jyldyń basynan bastap jylda 2,3 mlrd AQSh dollaryna (budan ári — dollar) ulǵaıyp, 2024 jylǵy 1 qazanda 165,8 mlrd dollardy quraǵanyn jarııa etken edi.

Taıaýda Ulttyq bank tóraǵasy Tımýr Súleımenov altyn-valıýta rezerviniń aqshasyn ishki naryqqa baǵyttaý týraly sheshimniń mánin túsindirgen bolatyn.