Elimizdiń eki óńirinde jańbyr, naızaǵaı jáne burshaq kútiledi

ASTANA. KAZINFORM — «Qazgıdromet» RMK 21 mamyrǵa arnalǵan aýa raıy boljamyn usyndy. 

Antıtsıklon áserinen elimizdiń basym bóliginde jaýyn-shashynsyz aýa raıy saqtalady.

— Tek batys jáne soltústik óńirlerde tsıklon jáne onymen baılanysty atmosferalyq frontaldy bólikterdiń áserinen jańbyr, naızaǵaı, burshaq, soltústikte — shańdy daýyl, batys pen soltústikte — jeldiń kúsheıýi kútiledi. Ońtústikte — shańdy daýyl, shyǵysta — túngi jáne tańǵy ýaqytta tuman bolady, — delingen habarlamada.

Sonymen qatar, sınoptıkter órt qaýiptiliginiń joǵary deńgeıi kútiletin óńirlerdi atady:

• Mańǵystaý oblysynyń batysynda,

• Aqtóbe oblysynyń batysy, soltústigi, ońtústigi,

• Túrkistan oblysynyń ońtústigi,

• Qaraǵandy oblysynyń shyǵysynda,

• Pavlodar oblysynda,

• Qostanaı oblysynyń ortalyǵynda,

• Jambyl oblysynyń soltústigi men ońtústiginde,

• Atyraý oblysynyń batysy, soltústik-shyǵysy men shyǵysynda,

• Shyǵys Qazaqstan oblysynyń ońtústik-batysynda,

• Almaty oblysynyń batysy men ortalyǵynda,

• Abaı oblysynyń ońtústik-shyǵysynda,

• Jetisý oblysynyń ońtústigi men shyǵysynda.

Óte joǵary — tótenshe órt qaýpi kútiletin óńirler mynalar:

• Qyzylorda oblysy,

• Túrkistan oblysynyń soltústigi, shóldi jáne taýly aımaqtary,

• Jambyl oblysynyń batysy men shyǵysy,

• Aqtóbe oblysynyń ońtústik-shyǵysy,

• Atyraý oblysynyń ońtústigi,

• Qostanaı oblysynyń ońtústigi,

• Almaty oblysynyń soltústigi,

• Aqmola oblysynyń batysy,

• Pavlodar oblysynyń batysy men ońtústigi,

• Shyǵys Qazaqstan oblysynyń ońtústik-shyǵysy,

• Jetisý oblysy,

• Abaı oblysynyń soltústik-batysy men ońtústigi,

• Ulytaý oblysynyń ońtústigi, shyǵysy jáne ortalyǵy.

Buǵan deıin bıylǵy jazda aýa raıy qandaı bolatyny belgili boldy.