Elimizdiń eki óńirinde kólik qozǵalysyna shekteý qoıyldy
ASTANA. KAZINFORM — Aqtóbe oblysynda Ekoıl janarmaı stansasynan Qyzylorda oblysynyń shekarasyna deıin, al Pavlodar oblysynda Pavlodar qalasynan RF shekarasyna deıin jol jabyldy, dep habarlaıdy «QazAvtoJol» UK baspasóz qyzmeti.
Aqtóbe oblysynda:
2025 jylǵy 2 jeltoqsan saǵat 19:30–da aýa raıynyń buzylýyna baılanysty «RF shekarasy — Mártók — Aqtóbe — Qarabutaq — Qyzylorda — Shymkent — Taraz — Qordaı — Almaty — Qorǵas — QHR shekarasy» avtojolynyń 776-1240 shaqyrym aralyǵyndaǵy ýchaskesinde (Ekoıl janarmaı stansasy — Qyzylorda oblysynyń shekarasy) júk jáne qoǵamdyq kólik túrleri qozǵalysyna shekteý qoıylady. Joldy 2025 jylǵy 3 jeltoqsan saǵat 05:00–de ashý josparlanǵan.
Pavlodar oblysynda:
Saǵat 20:00–de aýa raıynyń buzylýyna baılanysty respýblıkalyq mańyzy bar «Pavlodar — Sharbaqty — RF shekarasy (Sharbaqty ó/p)» avtojolynyń 0-112 shaqyrym aralyǵyndaǵy ýchaskesinde (Pavlodar qalasynan — RF shekarasyna deıin) barlyq kólik túrleriniń qozǵalysyna shekteý qoıylady. Joldy 2025 jylǵy 3 jeltoqsan kúni saǵat 07:00–de ashý josparlanǵan.
Sonymen qatar birqatar oblysta jol qozǵalysy jandandy.
Aqtóbe oblysy
Saǵat 18:30–da respýblıkalyq mańyzy bar «Qostanaı — Rýdnyı — Denısovka — Komsomolskoe — Qarabutaq» avtojolynyń 83-0 shaqyrym aralyǵyndaǵy ýchaskesinde (T.Júrgenov aýyly — Qarabutaq eldi mekeni) bir baǵyt boıynsha kólik qozǵalysy ashyldy.
Saǵat 19:30–da kelesi respýblıkalyq mańyzy bar avtomobıl joldarynda kólik qozǵalysy ashyldy.
Aqtóbe oblysy:
— «Qostanaı — Rýdnyı — Denısovka — Komsomolskoe — Qarabutaq» avtojolynyń 0-234 shaqyrym aralyǵyndaǵy ýchaskesi (Qarabutaq eldi mekeninen — Qostanaı oblysynyń shekarasyna deıin);
Qostanaı oblysy:
— «Qostanaı — Rýdnyı — Denısovka — Komsomolskoe — Qarabutaq» avtojolynyń 234-309 shaqyrym aralyǵyndaǵy ýchaskesi (Aqtóbe obl. shekarasynan — Adaevka aýylyna deıin),
Budan buryn «QazAvtoJol» ulttyq kompanııasy elimizdegi aýa raıynyń kúrt nasharlaǵanyna baılanysty júrgizýshilerge jolda abaı bolý kerektigi jóninde eskertý jasady.