Elimizdiń eki óńirinde kólik qozǵalysy shekteldi
ASTANA. KAZINFORM — Qostanaı jáne Mańǵystaý oblystarynda aýa raıynyń buzylýyna baılanysty respýblıkalyq joldar jabyldy, dep habarlaıdy «QazAvtoJol» UK baspasóz qyzmeti.
Qostanaı oblysy
4 aqpan saǵat 14:00–de aýa raıynyń buzylýyna baılanysty «Qostanaı — Áýlıekól — Surǵan» avtojolynyń 8-108 shaqyrymy aralyǵynda (Tobyl qalasynan Áýlıekól aýylyna deıin) júk jáne qoǵamdyq kólik túrleriniń qozǵalysyna shekteý engizildi.
Mańǵystaý oblysy
4 aqpan saǵat 14:30–da aýa raıynyń nasharlaýyna baılanysty respýblıkalyq mańyzy bar «Taýshyq — Shetpe» avtojolynyń 0-70 shaqyrym aralyǵynda barlyq kólik túrleriniń qozǵalysyna shekteý qoıyldy.
Aıta keteıik, 1403 baılanys ortalyǵyna habarlasyp, táýlik boıy qosymsha aqparat alýǵa bolady.
Budan buryn 29 qańtardan bastap respýblıkalyq mańyzy bar 14 aqyly jol ýchaskesinde tólemaqy esepteý tártibi jańarǵanyn jazǵan edik.