Elimizdiń eki oblysynda kólik qozǵalysyna shekteý qoıyldy

ASTANA. KAZINFORM — 2025 jylǵy 24 jeltoqsan saǵat 22:00–de aýa raıynyń buzylýyna baılanysty respýblıkalyq mańyzy bar eki oblystyq avtojolda júk jáne qoǵamdyq kólik túrleriniń qozǵalysy shektelip, joldar jabyldy. Bul týraly «QazAvtoJol» UK habarlady.

Aqmola oblysy: 

— «Astana — Kókshetaý — Petropavl» avtomobıl jolynyń 18-232 shaqyrym aralyǵyndaǵy ýchaskesi (Astana qalasynan Şýchınsk qalasyna deıin);

— «Astana — Shiderti — Pavlodar — Ýspenka — RF shekarasy» avtomobıl jolynyń 16-200 shaqyrym aralyǵyndaǵy ýchaskesi (Astana qalasynan Pavlodar oblysynyń shekarasyna deıin);

Pavlodar oblysy:

— «Astana — Shiderti — Pavlodar — Ýspenka — RF shekarasy» avtomobıl jolynyń 200-254 shaqyrym aralyǵyndaǵy ýchaskesi (Aqmola oblysynyń shekarasynan Shiderti aýylyna deıin).

Joldy 2025 jylǵy 25 jeltoqsan saǵat 09:00–de ashý josparlanǵan. 1403 baılanys ortalyǵyna habarlasyp, táýlik boıy qosymsha aqparat alýǵa bolady.  

Budan buryn Qazaqstannyń 15 oblysynda aýa raıyna baılanysty eskertý jarııalandy.