Elimizdiń eki oblysynda kólik qozǵalysy ashyldy

ASTANA. KAZINFORM — Ulytaý jáne Qyzylorda oblystarynda aýa raıyna baılanysty jabylǵan respýblıkalyq joldar qaıta ashyldy, dep habarlaıdy «QazAvtoJol» UK.

— 2024 jylǵy 20 jeltoqsan saǵat 08:00–de Qyzylorda oblysy «Qyzylorda-Pavlodar» avtojolynyń 12-216 shaqyrym aralyǵynda ýchaske (Qyzylorda qalasynan Ulytaý oblysy shekarasyna deıin), Ulytaý oblysy «Qyzylorda-Pavlodar» avtojolynyń 216-424 shaqyrym aralyǵynda ýchaske (Qyzylorda oblysynyń shekarasynan Jezqazǵan qalasyna deıin) respýblıkalyq avtojoldarda kólik qozǵalysy ashyldy, — delingen kompanııa habarlamasynda.

Al aýa raıynyń buzylýyna baılanysty 2024 jylǵy 20 jeltoqsan saǵat 07:00–de respýblıkalyq mańyzy bar «Alma-Taý týrıstik ortalyǵyna kirý» km. 0-15, mektep (Tuzdybastaý aýyly — Besqaınar aýyly) júk jáne qoǵamdyq kólikter úshin qozǵalysqa shekteýler engizildi.

Buǵan deıin aýa raıynyń buzylýyna baılanysty eki oblysta jol jabylatynyn jazǵan edik.

Eske salsaq, búgin kún raıyna baılanysty birqatar óńirde eskertý jarııalandy.