Elimizdiń eki qalasynda aýa sapasy nasharlaıdy

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.  

— 12 naýryzda aýanyń lastanýynyń qolaısyz meteorologııalyq jaǵdaılary Almaty, Balqash qalalarynda kútiledi, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Eske salaıyq, búgin elimizdiń barlyq óńirinde daýyldy eskertý jarııalandy.