Elimizdiń birneshe óńirinde daýyldy eskertý jarııalandy

ASTANA. KAZINFORM – «Qazgıdromet» RMK elimizdiń birneshe óńirinde aýa raıyna baılanysty daýyldy eskertý jarııalady.  

Túnde jáne tańerteń Qaraǵandy oblysynda tuman bolady dep boljanýda. 

Ulytaý oblysynyń soltústiginde, shyǵysynda jáne ortalyǵynda túnde jáne tańerteń tuman bolady. 

Qostanaı oblysynyń soltústigi men shyǵysynda túnde jáne tańerteń tuman kútiledi. Kúndiz oblystyń batys jáne soltústik bóliginde jeldiń kúsheıýi 15-20 m/s deıin jetedi.

Túnde Shyǵys Qazaqstan oblysynyń soltústiginde, shyǵysynda jáne ońtústiginde jaýyn-shashyn (jańbyr, qar), kóktaıǵaq, tuman bolady. Kúndiz soltústik pen shyǵysta jańbyr jaýady.

Óskemende túnde jáne tańerteń jaýyn-shashyn, tuman jáne kóktaıǵaq bolady dep boljanýda.

Túnde Abaı oblysynyń soltústiginde, shyǵysynda jáne ońtústiginde jaýyn-shashyn (jańbyr, qar), tuman jáne kóktaıǵaq bolady. 

Kúndiz Batys Qazaqstan oblysynyń ońtústigi men shyǵysynda 15-20 m/s jel soǵady.

Atyraý oblysynyń batysynda, ońtústiginde jáne shyǵysynda – jeldiń ekpini 15-20 m/s jetedi.

Aqmola oblysynda túngi jáne tańerteńgi ýaqytta tuman men kóktaıǵaq bolady. 

Kúndiz Qyzylorda oblysynyń ortalyǵynda 15-20 m/s shyǵys jel soǵady dep boljanýda.

Kúndiz Aqtóbe oblysynyń soltústiginde, batysynda jáne ortalyǵynda Ońtústik-Shyǵys, Ońtústik jeldiń ekpini 15-18 m/s jetedi.

Kúndiz Jambyl oblysynyń shyǵysynda jáne taýly aýdandarynda naızaǵaı, túnde jáne tańerteń tuman bolýy múmkin. Jel ekpini 15-20 m/s deıin jetedi.

Túnde jáne tańerteń Mańǵystaý oblysynyń ortalyǵy men batysynda tuman bolady. Aqtaýda túnde jáne tańerteń tuman túsedi.

Astanada túnde jáne tańerteń tuman men kóktaıǵaq bolady dep boljanýda.

Túnde jáne tańerteń Pavlodar oblysynyń soltústigi men ortalyǵynda tuman bolady.

Soltústik Qazaqstan oblysynyń ońtústiginde, soltústiginde jáne shyǵysynda tumandy kún raıy bolady. Kúndiz batysta jáne soltústikte – jel 15-20 m/s deıin jetedi.