Elimizdiń birneshe oblysynda tótenshe aýa raıy qubylystary boljanýda

ASTANA. KAZINFORM — 1 tamyzda Qazaqstannyń kóptegen oblystarynda qolaısyz meteorologııalyq jaǵdaı qalyptasady, dep habarlaıdy «Qazgıdromet» RMK.

Tsıklon jáne soǵan baılanysty atmosferalyq fronttardyń ótýine baılanysty elimizdiń basym bóliginde jańbyr jaýady, naızaǵaı oınap, burshaq pen daýyl kútiledi.

Soltústik, soltústik-batys, ortalyq, ońtústik jáne ońtústik-shyǵys óńirlerde qatty jańbyr boljanyp otyr. Respýblıka boıynsha jel kúsheıip, kúndiz elimizdiń ońtústigi men ońtústik-batysynda shańdy daýyl soǵýy múmkin.

Soltústik aımaqtarda túngi jáne tańerteńgi ýaqyttarda tuman kútiledi.

Kúndiz Almaty oblysynda - 35 gradýs, Atyraý oblysy men Batys Qazaqstan oblysynyń ońtústigi men batysynda 35–36 gradýs, al Mańǵystaý oblysynda 38 gradýsqa deıin aptap ystyq bolady dep boljanýda.

Abaı oblysynda, Shyǵys Qazaqstan oblysynyń shyǵysynda, Pavlodar oblysynyń batysy men soltústiginde, Batys Qazaqstan oblysynyń batysy men ońtústiginde, Qaraǵandy oblysynyń soltústiginde jáne Mańǵystaý oblysynyń ońtústik-shyǵysynda joǵary órt qaýpi saqtalady.

Qyzylorda, Túrkistan, Almaty, Jetisý oblystary men Jambyl oblysynyń soltústik, batys jáne shyǵys bólikterinde, Qaraǵandy oblysynyń batysy men ońtústiginde, sondaı-aq Aqtóbe, Qostanaı, Ulytaý, Atyraý, Mańǵystaý, Abaı jáne Shyǵys Qazaqstan oblystarynyń birqatar óńirlerinde tótenshe órt qaýpi boljanyp otyr.