Elimizdiń birneshe qalasynda aýa sapasy tómendeıdi

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady. 

— 17 naýryzda Qostanaı, Pavlodar, Qaraǵandy, Temirtaý, Aqtóbe, Almaty, Astana qalalarynda aýanyń lastanýynyń qolaısyz meteorologııalyq jaǵdaıy kútiledi, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, sınoptıkter búgin elimizdiń birneshe óńirinde aýa raıyna baılanysty eskertý jasady.

Buǵan deıin aýyldarda qatty turmystyq qaldyqtardy jınaý jáne shyǵarý júıesi jetildiriletini týraly jazdyq.