Elimizdiń birqatar óńirinde daýyldy eskertý jarııalandy

ASTANA. KAZINFORM — Sınoptıkter 18 naýryzda qolaısyz aýa raıyna baılanysty elimizdiń birqatar óńirinde daýyldy eskertý jarııalady. Bul týraly «Qazgıdromet» RMK-nyń baspasóz qyzmeti málim etti. 

Túnde jáne tańerteń Atyraý oblysynyń soltústiginde tuman túsedi dep kútiledi.

Pavlodar oblysynyń batysynda, soltústiginde, shyǵysynda túnde jaýyn-shashyn (jańbyr, qar), kúndiz jańbyr jaýady, túnde oblystyń batysynda, soltústiginde, shyǵysynda kóktaıǵaq bolady dep kútiledi. Oblystyń batysynda, ońtústiginde ońtústikten jel soǵady, ekpini — 15-20 m/s. Qardyń qarqyndy erýi saldarynan joldardy, eldimekenderdi, turǵyn úı jáne sharýashylyq qurylystardy qyzyl sý basýy múmkin.

Pavlodarda túnde jaýyn-shashyn (jańbyr, qar), kóktaıǵaq bolady dep kútiledi.

Kúndiz Mańǵystaý oblysynyń ońtústiginde, ortalyǵynda shańdy daýyl turady, túnde jáne tańerteń oblystyń batysynda tuman bolady dep boljanady. Oblystyń batysynda, ońtústiginde, ortalyǵynda ońtústik-shyǵystan jel soǵady, ekpini 15-20 m/s quraıdy.

Aqtóbe oblysynda ońtústikten, ońtústik-shyǵystan jel soǵady, kúndiz oblystyń ońtústiginde, ortalyǵynda soqqan jeldiń ekpini 15 m/s quraıdy. Barlyq ózender boıynsha sý deńgeılerń kóterile bastaıdy jáne qaýipti deńgeılerge jetýi múmkin.

Abaı oblysynyń soltústiginde, ortalyǵynda ońtústik-shyǵystan, ońtústikten jel soǵady, ekpini — 15-20 m/s.

Túnde jáne tańerteń Aqmola oblysynda kóktaıǵaq, oblystyń batysynda, soltústiginde tuman bolady dep kútiledi. Oblystyń batysynda, soltústiginde, shyǵysynda ońtústik-batystan jel soǵady, ekpini 15-20 m/s, keı ýaqyttarda 23 m/s deıin jetedi. Kókshetaýda ońtústik-batystan jel soǵady, ekpini — 15-20 m/s.

Shyǵys Qazaqstan oblysynyń soltústiginde, ońtústik-shyǵysynda shyǵystan, ońtústik-shyǵystan soqqan jeldiń ekpini 15-20 m/s quraıdy. Temperatýranyń joǵarylaýy boljamyna baılanysty qardyń qarqyndy erýi, muz qubylystarynyń álsireýi, erigen qar sýynyń jáne betkeılik aǵyndary qalyptasýy jáne ózenderde sý deńgeıiniń kóterilýi kútiledi, sonyń saldarynan sý jaıylýy men sý basýy múmkin.

Ulytaý oblysynyń soltústiginde, shyǵysynda keı ýaqyttarda tuman túsedi dep kútiledi.

Qaraǵandy oblysynyń soltústiginde, shyǵysynda, ońtústiginde keı ýaqyttarda tuman túsedi, ońtústikten, ońtústik-shyǵystan jel soǵady, túnde jáne tańerteń oblystyń soltústiginde soqqan jeldiń ekpini 15-18 m/s bolady dep kútiledi.

Batys Qazaqstan oblysynyń batysynda, ońtústiginde túnde jańbyr, oblystyń soltústiginde jaýyn-shashyn (jańbyr, qar), kóktaıǵaq, oblystyń batysynda, ońtústiginde, soltústiginde tuman bolady dep kútiledi. Oblystyń batysynda, ońtústiginde túnde soltústikten, soltústik-shyǵystan soqqan jeldiń ekpini 15-20 m/s quraıdy. Oralda da túnde jaýyn-shashyn (jańbyr, qar), kóktaıǵaq, tuman bolady, kúndiz jańbyr jaýady dep kútiledi.

Qostanaı oblysynyń batysynda, soltústiginde túnde jáne tańerteń jańbyr jaýady dep kútiledi. Oblystyń soltústiginde, shyǵysynda, ońtústiginde tuman túsedi. Ońtústik-batystan jel soǵady, oblystyń batysynda, soltústiginde soqqan jeldiń ekpini 15-20 m/s quraıdy. Qostanaıda túnde jańbyr jaýady dep kútiledi.

Túnde Soltústik Qazaqstan oblysynyń batysynda, soltústiginde, ońtústiginde jaýyn-shashyn (jańbyr, qar) jaýady, kóktaıǵaq bolady, kúndiz oblystyń batysynda, soltústiginde, ońtústiginde de jańbyr jaýady dep kútiledi. Oblystyń batysynda, soltústiginde tuman túsedi. Túnde oblystyń batysynda, soltústiginde, ońtústiginde, kúndiz oblystyń ońtústiginde ońtústik-batystan soqqan jeldiń ekpini 15-20 m/s, keı tusta 25 m/s quraıdy. Petropavlda túnde jaýyn-shashyn (jańbyr, qar), kóktaıǵaq, tuman bolady, kúndiz jańbyr jaýady dep kútiledi. Ońtústik-batystan jel soǵady, ekpini — 15-20 m/s.

Kúndiz Almaty oblysynyń shyǵysynda, ortalyǵynda ońtústik-shyǵystan jel soǵady, ekpini — 17-22 m/s.18-20 naýryz aralyǵynda Úlken jáne Kishi Almaty sý alaptarynda jylymyqtyń áserinen jáne qar jamylǵysynyń turaqsyz bolýyna baılanysty qar kóshkini qaýpi saqtalady. Qonaevta kúndiz ońtústik-shyǵystan jel soǵady, ekpini — 17-22 m/s.

Jetisý oblysynda ońtústik-shyǵystan soqqan jeldiń Alakól kólderi aýdanyndaǵy ekpini 15-20 m/s, kúndiz keı tusta 23 m/s deıin jetedi. 18-20 naýryz aralyǵynda temperatýralyq fonnyń joǵarlaýyna baılanysty Jetisý oblysynyń taý jáne taý etegindegi aımaqtarda betkeılik aǵyndynyń qalyptasýy jáne ózenderde sý deńgeıiniń kóterilýi kútiledi, sonymen qatar sýdyń jaıylýy men sý basýy múmkin.

Eske sala keteıik, buǵan deıin aldaǵy úsh kúnde Qazaqstan halqyn qandaı aýa raıy kútip turǵanyn jazǵan bolatynbyz.