Elimizdiń birqatar óńirinde daýyldy eskertý jarııalandy

ASTANA. KAZINFORM — «Qazgıdromet» RMK eldiń birqatar óńirinde tuman túsip, kóktaıǵaq bolatynyn eskertti.

Astanada kóktaıǵaq bolady. Túnde jáne tańerteń tuman túsedi.

Abaı oblysynda túnde jaýyn-shashyn (jańbyr, qar), kóktaıǵaq, boran, oblystyń shyǵysy men ońtústiginde jaýyn-shashyn (jańbyr, qar) bolady. Kúndiz shyǵysta jáne ońtústikte jańbyr men qar jaýady, kóktaıǵaq, boran soǵady. Soltústik-batystan soltústik-shyǵysqa aýysatyn jeldiń jyldamdyǵy túnde 15-20 m/s, keı jerlerde 25 m/s jetedi.

Aqmola oblysynda kóktaıǵaq bolady. Túnde jáne tańerteń tuman túsedi.

Almaty oblysynyń soltústiginde naızaǵaı oınaıdy. Ońtústik-batystan soǵatyn jeldiń jyldamdyǵy soltústikte, ońtústikte jáne taýly aýdandarda 17-22 m/s deıin kúsheıedi.

Shyǵys Qazaqstan oblysynda túnde jaýyn-shashyn (jańbyr, qar), kóktaıǵaq, boran bolady. Soltústik, shyǵys jáne ońtústikte jaýyn-shashyndy bolady. Kúndiz soltústik, shyǵys jáne ońtústikte jaýyn-shashyn (jańbyr, qar) jaýady, kóktaıǵaq, boran bolady. Batystan, soltústik-batystan soǵatyn jeldiń jyldamdyǵy 15-20 m/s, túnde ekpini 23 m/s deıin jetedi.

Jambyl oblysynyń batysynda, soltústiginde jáne taýly aýdandarynda jańbyr jaýady, kúndiz naızaǵaı oınaıdy. Soltústik-shyǵystan soǵatyn jeldiń ekpini 15-20 m/s bolady.

Jetisý oblysynyń soltústigi men taýly aımaqtarynda tuman túsedi. Soltústik-batystan soǵatyn jel soltústik pen shyǵysta 15-20 m/s, kúndiz Alakól kólderi mańynda 23-28 m/s deıin kúsheıedi.

Batys Qazaqstan oblysynyń batysynda, soltústiginde jáne shyǵysynda túnde jáne tańerteń tuman túsedi.

Qaraǵandy oblysynyń ońtústiginde túnde jáne tańerteń jańbyr men qar jaýady. Soltústik, ońtústik jáne shyǵysta tuman, kóktaıǵaq bolady. Tańerteń jáne kúndiz ońtústikte jeldiń ekpini 15-20 m/s deıin jetedi.

Qostanaı oblysynyń soltústiginde kúndiz azdaǵan jaýyn-shashyn (qar, jańbyr), boran bolady. Kóktaıǵaq kútiledi. Túnde jáne tańerteń batysta jáne ońtústikte tuman túsedi. Ońtústik-batystan soǵatyn jel soltústikte jáne shyǵysta 15-20 m/s jyldamdyqpen soǵady.

Qyzylorda oblysynyń soltústigi men ortalyǵyn tuman basady. Soltústik-shyǵystan soǵatyn jel ońtústikte, shyǵysta jáne ortalyqta 15-20 m/s deıin kúsheıedi.

Pavlodar oblysynyń ońtústigi men shyǵysynda túnde qar jaýyp, boran soǵady, kóktaıǵaq kútiledi. Batysta jáne soltústikte tuman bolady.

Soltústik Qazaqstan oblysynyń ońtústigi men shyǵysynda túnde jáne tańerteń tumandy kún raıy bolady. Kúndiz ońtústik-batystan soǵatyn jeldiń jyldamdyǵy 15-20 m/s, batysy men soltústiginde 25 m/s deıin kúsheıedi.

Túrkistan oblysynyń taýly asýlarynda kúndiz jel ońtústik-batystan soltústik-shyǵysqa aýysyp, 15-20 m/s deıin jetedi.

Ulytaý oblysynyń soltústigi men shyǵysynda túnde jáne tańerteń tuman, joldarda kóktaıǵaq bolady. Kúndiz batys pen ońtústikte jeldiń ekpini 15-18 m/s deıin kúsheıedi.

Buǵan deıin Qazaqstannyń úsh oblysynda joldardyń jabylǵany habarlanǵan bolatyn.