Elimizdiń birqatar óńirinde aýa raıyna baılanysty eskertý jarııalandy

ASTANA. KAZINFORM – «Qazgıdromet» RMK sınoptıkteri erteń, 25 aqpanda eldiń birneshe óńirinde qolaısyz aýa raıyna baılanysty eskertý jasady.

Túrkistan oblysynyń batysy, ońtústigi jáne taýly aımaqtarynda jaýyn-shashyn (kóbinese jańbyr) túsedi. Kúndiz oblystyń batysy men ońtústiginde jańbyr jaýyp, soltústigi men taýly aýdandarynda jaýyn-shashyn kútiledi. Kúnniń ekinshi jartysynda qatty jańbyr jaýýy yqtımal. Ońtústikte naızaǵaı bolady. Soltústik, batys jáne taýly aýdandarda tuman túsedi. Jeldiń baǵyty soltústik-shyǵystan ońtústik-batysqa aýysyp, oblystyń batysy, soltústik, ońtústik jáne taýly aımaqtarynda jeldiń jyldamdyǵy 15-20 m/s, taý asýlarynda ekpini 23-28 m/s bolady. Shymkent qalasynda túnde jáne keshke jańbyr jaýady, tuman túsedi. Jel soltústik-shyǵystan ońtústik-batysqa aýysyp, ekpini kúndiz 15-20 m/s bolady. Túrkistan qalasynda túnde jańbyr jaýyp, kúnniń ekinshi jartysynda jańbyr jaýýy múmkin. Keıbir ýaqyttarda tuman túsedi. Jeldiń baǵyty soltústik-shyǵystan ońtústik-batysqa aýysyp, ekpini 15-20 m/s.

Almaty oblysynyń batysy, ońtústigi jáne taýly aımaqtarynda tuman men kóktaıǵaq kútiledi. Jel soltústik-shyǵystan soǵyp, ońtústik jáne taýly aýdandarda jyldamdyǵy 15-20 m/s bolady. Almaty qalasynda tuman men kóktaıǵaq baıqalýy múmkin. Qonaev qalasynda 25 aqpanda tuman men kóktaıǵaq kútiledi.

Ulytaý oblysynyń ońtústiginde joldarda kóktaıǵaq bolady. Jel soltústik-shyǵystan jáne shyǵystan soǵyp, oblystyń batysy, soltústigi jáne ońtústiginde jyldamdyǵy 15-20 m/s, kúndiz keı ýaqytta 25 m/s jetedi. Jezqazǵan qalasynda jel soltústik-shyǵystan jáne shyǵystan soǵyp, jyldamdyǵy 15-20 m/s, kúndiz keıde 23 m/s bolady.

Qaraǵandy oblysynyń batysy, soltústigi jáne ońtústiginde tuman túsedi. Jel soltústik-shyǵystan soǵyp, kúndiz oblystyń batysy men ońtústiginde jyldamdyǵy 15-20 m/s bolady.

Qyzylorda oblysynyń ońtústiginde kóktaıǵaq, kúndiz jańbyr men qar jaýady, burqasyn bolady. Oblystyń ortalyǵy men shyǵysynda qatty jaýyn-shashyn (jańbyr, qar) kútiledi. Jel shyǵys jáne soltústik-shyǵystan soǵyp, jyldamdyǵy 15-20 m/s, kúndiz ortalyq pen shyǵys aımaqtarda ekpini 25 m/s jetedi. Qyzylorda qalasynda kúndiz jańbyr, qar, kóktaıǵaq jáne burqasyn bolady. Jel soltústik-shyǵystan soǵyp, jyldamdyǵy 15-20 m/s, kúndiz ekpini 25 m/s.

Mańǵystaý oblysynyń ońtústigi, shyǵysy jáne ortalyǵynda kóktaıǵaq bolady.

Aqtóbe oblysynyń Muǵaljar aýdanynda jaıaý burqasyn kútiledi. Jel shyǵys pen soltústik-shyǵystan soǵyp, jyldamdyǵy 15-20 m/s.

Batys Qazaqstan oblysynyń batysy, soltústigi jáne ońtústiginde tuman túsedi. Oral qalasynda 25 aqpanda túnde jáne tańerteń tuman bolady.

Abaı oblysynyń batysy, soltústigi jáne ortalyǵynda tuman kútiledi. Jel soltústik-shyǵystan soǵyp, ońtústik jáne ortalyq aýdandarda jyldamdyǵy 15-20 m/s bolady. Semeı qalasynda 25 aqpanda túnde jáne tańerteń tuman bolady.

Qostanaı oblysynyń batysy, shyǵysy jáne ońtústiginde tuman túsedi.

Shyǵys Qazaqstan oblysynyń soltústigi, shyǵysy jáne ońtústiginde tuman bolady. Óskemen qalasynda 25 aqpanda túnde jáne tańerteń tuman kútiledi.

Jambyl oblysynyń ońtústik-batysy, shyǵysy jáne taýly aýdandarynda kóktaıǵaq bolady. Keıde tuman túsedi. Jel soltústik-shyǵystan soǵyp, oblystyń ońtústik-batysy, soltústik-shyǵysy jáne taýly aımaqtarynda jyldamdyǵy 15-20 m/s, ekpini 23-28 m/s bolady. Taraz qalasynda keıde tuman men kóktaıǵaq baıqalady.

Eske sala keteıik, kún raıyna baılanysty birneshe óńirde oqýshylar qashyqtan oqıtynyn jazǵan edik.