Elimizdiń birqatar óńirinde aýa raıyna baılanysty eskertý jarııalandy

ASTANA. KAZINFORM — Qazgıdromet erteń aýa raıynyń qolaısyzdyǵyna baılanysty  Astana, Almaty, Shymkent qalalarynda jáne Qazaqstannyń 14 oblysynda eskertý jarııalady

Astana qalasynda tańerteń jáne kúndiz qar jaýyp, jaıaý burqasyn soǵady. Kúndiz jeldiń ekpini 15–20 m/s deıin kúsheıedi.

Almaty qalasynda keı ýaqytta tuman túsip, kóktaıǵaq bolady.

Almaty oblysy-nyń soltústiginde, ońtústiginde jáne taýly aımaqtarynda tuman, kóktaıǵaq kútiledi. Oblystyń shyǵysynda, ortalyǵynda jáne taýly óńirlerinde jeldiń ekpini 18–23 m/s deıin jetedi. 

Shymkent qalasynda túnde keı ýaqyttarda jaýyn-shashyn (jańbyr, qar), kúndiz jańbyr jaýady.

Túrkistan oblysynyń ońtústiginde jáne taýly aımaqtarynda túnde jaýyn-shashyn (jańbyr, qar), kóktaıǵaq, jaıaý burqasyn kútiledi. Kúndiz oblystyń ońtústiginde jańbyr, taýly óńirlerinde jaýyn-shashyn (jańbyr, qar) boljanady. Oblystyń batysynda, soltústiginde, ońtústiginde jáne taýly aımaqtarynda tuman túsedi. Soltústigi men taýly óńirlerinde jel 15–20 m/s bolady. 

Aqmola oblysynyń batysynda, soltústiginde jáne ońtústiginde túnde qar jaýyp, jaıaý burqasyn soǵady, kúndiz de qar men jaıaý burqasyn kútiledi. Batysy men soltústiginde tuman bolady. Kúndiz jeldiń ekpini 15–20 m/s deıin jetedi. 

Atyraý oblysynyń batysy men ońtústiginde túnde jáne tańerteń tuman túsedi.

Batys Qazaqstan oblysynyń soltústigi men shyǵysynda túnde jáne tańerteń qar, jaıaý burqasyn boljanady. Batysynda, soltústiginde jáne ońtústiginde tuman túsedi. 

Aqtóbe oblysynyń soltústigi men soltústik-shyǵysynda azdaǵan jaýyn-shashyn (negizinen qar), kóktaıǵaq kútiledi. Soltústik-shyǵysynda jel 15–18 m/s ekpinmen soǵady.

Mańǵystaý oblysynyń batysynda, ońtústiginde jáne ortalyǵynda túnde jáne tańerteń joldarda kóktaıǵaq bolady. Soltústik-shyǵysy men ortalyǵynda tuman kútiledi. 

Jetisý oblysynyń ońtústiginde, shyǵysynda, ortalyǵynda jáne taýly aımaqtarynda keı ýaqyttarda tuman, kóktaıǵaq kútiledi. Shyǵysy men taýly óńirlerinde jel 15–20 m/s, al Alakól kólderi mańynda 23–28 m/s deıin kúsheıedi. 

Qostanaı oblysynda qar jaýady, batysynda, soltústiginde jáne shyǵysynda jaıaý burqasyn soǵady, kúndiz kóktaıǵaq kútiledi. Ońtústigi men shyǵysynda tuman túsedi. Jeldiń ekpini 15–20 m/s. 

Abaı oblysynyń Jarma aýdanynda kúndiz jel 15–20 m/s ekpinmen soǵady.

Pavlodar oblysynyń batysy men ońtústiginde kúndiz qar jaýyp, jaıaý burqasyn soǵady. Jeldiń ekpini 15–20 m/s deıin jetedi.

Soltústik Qazaqstan oblysynda qar men jaıaý burqasyn kútiledi. Batysynda tuman túsedi. Batysy men ońtústiginde jel 15–20 m/s.

Qyzylorda oblysynyń soltústigi men ortalyǵynda kóktaıǵaq, tuman kútiledi. 

Jambyl oblysynyń taýly aımaqtarynda qar, jaıaý burqasyn kútiledi. Keı ýaqyttarda tuman men kóktaıǵaq bolady. Taýly óńirlerde túnde, al kúndiz oblystyń ońtústik-batysynda jáne taýly aımaqtarynda jel 15–20 m/s soǵady. 

Aıta ketelik naýryz aıynda kún raıy qandaı bolatyny týraly jazǵan edik.