Elimizdiń birqatar óńirinde aýa raıyna baılanysty eskertý jarııalandy

ASTANA. KAZINFORM – «Qazgıdromet» RMK-sy elimizdiń birqatar óńirinde aýa raıyna baılanysty eskertý jarııalady.

Kásiporynnyń bolajamyna qaraǵanda Astanada 16 qańtarda keı ýaqytta jaıaý burqasyn soǵady. Ońtústik-batystan jel soǵady, kúndiz ekpini 15-18 m/s.

16 qańtarda Aqmola oblysynyń batysynda, soltústiginde, ońtústiginde burqasyn bolady Túnde jáne tańerteń oblystyń batysynda tuman túsedi. Ońtústik-batystan jel soǵady, oblystyń batysynda, soltústiginde, shyǵysynda ekpini 15-20 m/s.

16 qańtarda kúndiz Aqtóbe oblysynyń soltústiginde jaıaý burqasyn bolady.

16 qańtarda Qyzylorda oblysynyń soltústiginde, shyǵysynda, ortalyǵynda tuman túsip, kóktaıǵaq bolady.

16 qańtarda túnde Batys Qazaqstan oblysynyń basym bóliginde, kúndiz batysynda, soltústiginde, ońtústiginde jaıaý burqasyn soǵady. Oblystyń batysynda, soltústiginde, ońtústiginde tuman túsip, kúndiz batysynda, soltústiginde, ońtústiginde kóktaıǵaq bolady. Jel ońtústik-batystan soǵady, oblystyń batysynda, soltústiginde, ońtústiginde jeldiń jyldamdyǵy 15-20 m/s.

16 qańtarda Túrkistan oblysynyń batysynda, soltústiginde, ońtústiginde, taýly aýdandarynda tuman túsip, kóktaıǵaq bolady. Ońtústik-batystan jel soǵady, kúndiz oblystyń taýly aýdandarynda kúshi 15-20 m/s.

16 qańtarda Abaı oblysynyń batysynda, soltústiginde, ortalyǵynda jaıaý burqasyn bolady. Jel ońtústikten, ońtústik-batystan soǵady, oblystyń batysynda, soltústiginde, ortalyǵynda 15-20, Jarma aýdanynda ekpini 25 m/s.

16 qańtarda Shyǵys Qazaqstan oblysynda jel shyǵystan, ońtústik-shyǵystan soǵady, oblystyń soltústiginde, shyǵysynda jyldamdyǵy 15-20 m/s.

16 qantarda Jetisý oblysynda ońtústik-shyǵystan jel soǵady, Alakól kólderi aýdanynda ekpini 15-20 m/s.

16 qańtarda Jambyl oblysynyń soltústiginde, ońtústiginde, taýly aýdandarynda tuman túsedi. Tańerteń jáne kúndiz batysynda, soltústiginde, taýly aýdandarynda kóktaıǵaq bolady. Ońtústik-batystan jel soǵady, oblystyń ońtústik-batysynda, taýly aýdandarynda 15-20 m/s, ekpini 25 m/s kútiledi.

16 qańtarda Qostanaı oblysynyń ońtústiginde, shyǵysynda jaıaý burqasyn soǵady. Túnde jáne tańerteń oblystyń batysynda, soltústiginde tuman túsedi. Ońtústik-batystan jel soǵady, kúndiz oblystyń ońtústiginde, shyǵysynda ekpini 15-20 m/s.

16 qańtarda kúndiz Soltústik Qazaqstan oblysynda qar jaýady. Túnde oblystyń soltústiginde, shyǵysynda, ońtústiginde burqasyn soǵyp, kúndiz oblys boıynsha burqasyn bolady. Túnde jáne tańerteń oblystyń ońtústiginde tuman túsedi. Ońtústik-batystan, batystan jel soǵady, túnde oblystyń soltústiginde, shyǵysynda, ońtústiginde ekpini 15-20 m/s, kúndiz kúshi 15-20 m/s.

16 qańtarda Atyraý oblysynyń batysynda, soltústiginde, ońtústiginde tuman túsip, kóktaıǵaq bolady, jaıaý burqasyn soǵady.

16 qańtarda Pavlodar oblysynyń batysynda, ońtústiginde burqasyn soǵady. Ońtústik-batystan jel soǵady, oblystyń batysynda, ońtústiginde ekpini 15-20 m/s.

16 qańtarda túnde jáne tańerteń Mańǵystaý oblysynyń soltústiginde tuman túsip, kóktaıǵaq bolady.

Osyǵan deıin maman sýǵa túskende qandaı erejelerdi saqtaý qajet ekenin túsindirgenin jazdyq.