Elimizdiń birqatar óńirinde 40 gradýsqa deıin aptap ystyq bolady
ASTANA.KAZINFORM - «Qazgıdromet» RMK-sy elimizdiń óńirlerinde kún raıyna baılanysty eskertý jasady. Eldiń 17 oblysynda 13 maýsym kúni kún raıynyń kúrt qubylady. Birqatar óńirde jańbyr, naızaǵaı, burshaq, ekpindi jel, qatty ystyq jáne joǵary, keı jerlerde tótenshe órt qaýpi boljanyp otyr.
Astanada 13 maýsymda keı ýaqytta jańbyr jaýyp, naızaǵaı oınaıdy. Kúndiz burshaq túsýi múmkin. Jel ońtústik-batystan soǵady, ekpini 15–18 m/s-qa jetedi. Qalada joǵary órt qaýpi saqtalady.
Almatyda jáne Іle Alataýynyń taýly aımaqtarynda ótkinshi jańbyr men naızaǵaı kútiledi. Jel ońtústik-batystan soǵady, keı ýaqytta ekpini 15–20 m/s bolady.
Shymkentte joǵary órt qaýpi saqtalady.
Aqmola oblysynda keı ýaqytta jańbyr men naızaǵaı bolady. Kúndiz batysta, soltústikte jáne ońtústikte burshaq túsýi múmkin. Túnde jáne tańerteń batys pen soltústikte tuman bolady. Jel ońtústik-batystan soǵady, kúndiz batys, soltústik jáne shyǵysta ekpini 15–20 m/s. Ońtústikte jáne ortalyqta joǵary órt qaýpi saqtalady, shyǵysta tótenshe órt qaýpi kútiledi.
Aqtóbe oblysynda túnde batys pen ońtústikte azdaǵan jańbyr men naızaǵaı kútiledi. Kúndiz soltústik, ońtústik jáne shyǵysta jańbyr, naızaǵaı jáne burshaq boljanady. Túnde jáne tańerteń batys, soltústik jáne shyǵysta tuman bolýy múmkin. Ońtústikte tótenshe órt qaýpi saqtalady.
Almaty oblysynda ońtústik pen taýly aýdandarda ótkinshi jańbyr men naızaǵaı kútiledi. Jel ońtústik-batystan soǵady, ońtústik, shyǵys jáne taýly aımaqtarda ekpini 15–20 m/s. Kúndiz aýa temperatýrasy 35 gradýsqa deıin, soltústikte 38 gradýsqa deıin kóteriledi. Soltústikte tótenshe jáne joǵary órt qaýpi saqtalady, batys pen shyǵysta joǵary órt qaýpi kútiledi.
Abaı oblysynda kúndiz batys, soltústik jáne ortalyqta jańbyr, naızaǵaı, burshaq jáne shkval kútiledi. Jel batys jáne ońtústik-batystan soǵady, ekpini 15–20 m/s, keı jerlerde 25 m/s-qa deıin jetedi. Aýa temperatýrasy 35 gradýsqa deıin saqtalady. Óńir boıynsha joǵary órt qaýpi saqtalady, batys, soltústik-batys, ońtústik jáne ortalyqta tótenshe órt qaýpi kútiledi.
Atyraý oblysynda túnde soltústikte azdaǵan jańbyr men naızaǵaı kútiledi. Kúndiz batys, ońtústik jáne shyǵysta jańbyr men naızaǵaı bolady. Jel soltústik-batystan jáne batystan soǵady, soltústik pen ońtústikte ekpini 15–18 m/s. Soltústik-batysta joǵary órt qaýpi kútiledi.
Shyǵys Qazaqstan oblysynda batys, soltústik jáne shyǵysta jańbyr men naızaǵaı kútiledi. Kúndiz burshaq pen shkval bolýy múmkin. Jel ońtústik-batystan jáne batystan soǵady, ekpini 15–20 m/s. Kúndiz aýa temperatýrasy 35 gradýsqa deıin, ońtústikte 38 gradýsqa deıin kóteriledi. Óńir boıynsha joǵary órt qaýpi saqtalady, ońtústikte tótenshe órt qaýpi kútiledi.
Jambyl oblysynda taýly aımaqtarda ótkinshi jańbyr men naızaǵaı kútiledi. Jel soltústik-batystan soǵady, taýly jerlerde ekpini 15–20 m/s. Joǵary órt qaýpi saqtalady, batysta tótenshe deńgeıge jetedi. Sonymen qatar 14–21 maýsym aralyǵynda óńirde kúndiz 35–40 gradýsqa deıin qatty ystyq kútiledi. 17 maýsymnan bastap ońtústikte temperatýra 40–43 gradýsqa deıin kóterilýi múmkin. Óńirde joǵary jáne tótenshe órt qaýpi saqtalady.
Jetisý oblysynda kúndiz taýly aımaqtarda azdaǵan jańbyr kútiledi. Batys, ońtústik jáne taýly jerlerde naızaǵaı bolýy múmkin. Alakól mańynda jel soltústik-batystan soǵady, ekpini 15–20 m/s. Aýa temperatýrasy 35 gradýsqa deıin kóteriledi. Óńirdiń basym bóliginde joǵary jáne tótenshe órt qaýpi saqtalady, batysta joǵary, soltústik pen shyǵysta tótenshe deńgeı kútiledi.
Batys Qazaqstan oblysynda batys, soltústik jáne shyǵysta jańbyr men naızaǵaı kútiledi. Kúndiz burshaq pen shkval bolýy múmkin. Jel soltústik-batystan soǵady, ekpini 15–20 m/s. Batys jáne ońtústik-batysta joǵary órt qaýpi saqtalady, shetki batysta tótenshe deńgeı kútiledi.
Qaraǵandy oblysynda batys, soltústik jáne shyǵysta jańbyr, naızaǵaı jáne burshaq kútiledi. Jel ońtústik-batystan jáne batystan soǵady, kúndiz ekpini 15–20 m/s. Joǵary órt qaýpi saqtalady, batys, soltústik jáne ortalyqta tótenshe deńgeı kútiledi.
Qostanaı oblysynda jańbyr men naızaǵaı kútiledi. Kúndiz batys, soltústik jáne shyǵysta qatty jańbyr, burshaq jáne shkval bolady. Túnde jáne tańerteń tuman kútiledi. Jel soltústik-batystan soǵady, ekpini 15–20 m/s. Ońtústik-batysta tótenshe órt qaýpi saqtalady, ońtústikte joǵary deńgeı kútiledi.
Qyzylorda oblysynda ońtústik, soltústik jáne ortalyqta jańbyr men naızaǵaı kútiledi. Jel ońtústik-batystan soǵady, kúndiz ekpini 15–20 m/s. Óńirde tótenshe órt qaýpi saqtalady, ortalyqta joǵary deńgeı kútiledi.
Mańǵystaý oblysynda batys, soltústik-shyǵys jáne ortalyqta jańbyr men naızaǵaı kútiledi. Jel soltústik-batystan soǵady, kúndiz ekpini 15–18 m/s. Batysta joǵary órt qaýpi saqtalady.
Pavlodar oblysynda túnde batys, soltústik jáne shyǵysta jańbyr men naızaǵaı kútiledi. Kúndiz jańbyr, naızaǵaı, keı jerlerde burshaq pen shkval bolady. Jel ońtústik-batystan soǵady, ekpini 15–20 m/s. Óńir boıynsha joǵary órt qaýpi saqtalady, batys, ońtústik jáne shyǵysta tótenshe deńgeı kútiledi.
Soltústik Qazaqstan oblysynda jańbyr men naızaǵaı kútiledi. Kúndiz batys jáne soltústikte qatty jańbyr, burshaq jáne shkval bolady. Túnde jáne tańerteń batysta tuman bolýy múmkin. Jel ońtústik-shyǵystan jáne shyǵystan soǵady, ekpini 15–20 m/s.
Túrkistan oblysynda taýly aımaqtarda ótkinshi jańbyr men naızaǵaı kútiledi. Soltústikte shańdy daýyl bolýy múmkin. Jel ońtústik-batystan soǵady, batys jáne soltústikte ekpini 15–20 m/s. Joǵary órt qaýpi saqtalady, soltústik, batys jáne ońtústikte tótenshe deńgeı kútiledi.
Ulytaý oblysynda túnde batys, soltústik jáne shyǵysta azdaǵan jańbyr men naızaǵaı kútiledi. Kúndiz soltústik, shyǵys jáne ońtústikte jańbyr, naızaǵaı jáne burshaq bolady. Jel ońtústik-batystan jáne batystan soǵady, shyǵys pen ońtústikte ekpini 15–20 m/s. Joǵary órt qaýpi saqtalady.
Osyǵan deıin «Qazgıdromet» RMK 11-13 maýsym aralyǵynda elimizde kún qatty ysıtynyn habarlaǵan bolatyn.
