Elimizdiń birqatar óńiri qashyqtan oqytý formatyna kóshti

ASTANA. KAZINFORM – Boran soǵyp, kóktaıǵaq bolyp, kúnniń kúrt sýytýyna baılanysty elimizdiń birqatar óńirinde oqýshylar qashyqtan oqytý formatyna kóshirildi.

Pavlodar oblysynda aýa temperatýrasy -37 gradýsqa deıin sýytpaq. Osyǵan baılanysty 15 qańtar kúni óńirde 1 aýysymda oqıtyn 1–11 synyp oqýshylary, sondaı-aq kolledjderdiń 1–2 kýrs stýdentteri qashyqtan oqytý formatyna aýystyrylady.

Sondaı-aq erteń Aqtóbe oblysynda aýa raıyna baılanysty óńirdiń barlyq mektepteriniń 1-11 ysynyp oqýshylary qashyqtan bilim alady.

Al, Atyraý oblysynda 71 mektep qashyqtan oqytýǵa kóshirilgen.

Soltústik Qazaqstan oblysynda - 35 gradýs aıaz. Birinshi aýysymdaǵy 0-11 synyp oqýshylary men kolledjderdiń 1-2 kýrs stýdentteri qashyqtan bilim alady.

Osyǵan deıin 15 qańtarda astanalyq oqýshylar men stýdentter qashyqtan oqýǵa kóshetini týraly jazdyq.

Aıta keteıik, Qazgıdromet kúnniń kúrt sýytýy sebepti Qazaqstannyń búkil aýmaǵynda aýa raıyna baılanysty eskertý jarııalady.