Elimizdiń birqatar oblysynda daýyldy eskertý jarııalandy

ASTANA. KAZINFORM — Qazaqstannyń 16 oblysynda 17 aqpanda daýyldy eskertý jarııalandy.

Aqtóbe oblysynda jaýyn-shashyn (qar, jańbyr), oblystyń batysynda, soltústiginde qalyń qar jaýap, boran soǵyp, kóktaıǵaq bolady. Oblystyń soltústiginde, shyǵysynda tuman túsedi. 

Túnde Túrkistan oblysynyń taýly aýdandarynda qar jaýady. Oblystyń batysynda, ońtústiginde, taýly jáne taý bókterinde tuman túsedi. 

Atyraý oblysynda jaýyn-shashyn (jańbyr, qar), kóktaıǵaq kútiledi. Túnde jáne tańerteń oblystyń ońtústiginde, shyǵysynda tuman túsedi. 

Túnde Batys Qazaqstan oblysynyń ońtústiginde, shyǵysynda qar jaýap, kóktaıǵaq bolady, boran soǵady dep boljanyp otyr. Oblystyń batysy men soltústigin tuman basady. 

Túnde Soltústik Qazaqstan oblysynyń ońtústiginde, batysynda qar jaýyp, boran soǵady. Oblystyń batysynda, soltústiginde, shyǵysynda tuman kútiledi. Ońtústik-batys jel ekpini 15-20 m/s deıin jetedi.

Ulytaý oblysynyń soltústiginde, shyǵysynda, ortalyǵynda keıde tuman bolady dep kútilýde. 

Aqmola oblysynyń batysynda, soltústiginde, shyǵysynda boran, kóktaıǵaq, tuman kútiledi. Jel ońtústik-batys, oblystyń batysynda, soltústiginde, shyǵysynda 15-20 m/s, kúndiz jeldiń ekpini 23-28 m/s.

Túnde jáne tańerteń Qaraǵandy oblysynyń soltústiginde, shyǵysynda kóktaıǵaq bolady. Oblystyń soltústiginde, shyǵysynda keıde tuman bolady. 

Abaı oblysynyń batysynda, soltústiginde, ońtústiginde tuman bolady.

Qyzylorda oblysynyń ortalyǵyn tuman basady. 

Shyǵys Qazaqstan oblysynyń soltústiginde, shyǵysynda, ońtústiginde tuman bolady. 

Mańǵystaý oblysynyń batysynda, soltústiginde tuman, kóktaıǵaq bolady. Oblystyń soltústik-shyǵysyna, batysyna, soltústigine aýysatyn ońtústik-shyǵys jeldiń ekpini 15-20 m/s deıin jetedi. 

Túnde Qostanaı oblysynyń batysynda, soltústiginde, shyǵysynda qar jaýyp, boran soǵady, kúndiz jaýyn-shashyn (jańbyr, qar), boran, kóktaıǵaq kútiledi. Oblystyń soltústiginde, shyǵysynda tuman bolady. Ońtústik, ońtústik-batys, soltústikte, batysta, shyǵysta jel ekpini 15-20, keıde 23-28 m/s deıin jetedi dep boljanyp otyr.

Túnde jáne tańerteń shyǵysta, Pavlodar oblysynyń ortalyǵynda tumandy kún raıy bolady. 

Jetisý oblysynyń taýly aýdandarynda tuman túsedi.

Túnde jáne tańerteń Ońtústikte, Jambyl oblysynyń taýly aýdandarynda kóktaıǵaq bolady.

Oblystyń soltústigin, ońtústigin, taýly aımaqtaryn tuman basady.