Elimizdiń biraz óńirinde kún ysıdy — sınoptıkter
ASTANA. KAZINFORM — «Qazgıdromet» RMQ 31 mamyr kúngi aýa raıy boljamyn jarııalady.
Sınoptıkterdiń boljaýynsha, atmosferalyq frontaldy bólikterdiń ótýimen respýblıkanyń basym bóliginde turaqsyz aýa raıy saqtalady. Naızaǵaı oınap, ótkinshi jańbyr jaýady, soltústiginde burshaq, batysynda daýyl kútiledi. Tek elimizdiń shyǵysynda, ortalyǵynda aýa raıy jaýyn-shashynsyz.
Respýblıka boıynsha jel kúsheıip, ońtústikte shańdy daýyl turady. Túnde jáne tańerteń elimizdiń ońtústik-batysynda, soltústik-batysynda, soltústiginde tuman bolady.
Túrkistan oblysynda kún qatty ysyp, aýa temperatýrasy 41 gradýsqa jetedi. Jambyl oblysynda — 38 gradýs, Almaty oblysynda — 35 gradýs, soltústikte, oblystyń ortalyǵynda — 38 gradýs, Jetisý jáne Ulytaý oblystarynda, Pavlodar oblysynda 35-37 gradýs, Abaı oblysynyń ońtústiginde 36 gradýs bolady dep boljanǵan.
Buǵan deıin elimizdiń 5 qalasynda aýa sapasy tómendeıtinin jazdyq.
