Elimizdiń biraz óńirin tuman basady

ASTANA. KAZINFORM – Qazgıdromet» RMK sársenbi kúni eldiń 13 oblysynda  aýa raıyna baılanysty eskertý jarııalady. 

Túnde jáne tańerteń Qaraǵandy oblysynyń shyǵysynda kóktaıǵaq, batys, soltústigi men ortalyǵyn tuman basady.

Ulytaý oblysynyń soltústigi men shyǵysynda túnde jáne tańerteń tuman túsedi.

Mańǵystaý oblysynyń soltústigi, shyǵysy jáne ortalyǵynda da tuman basady dep boljanyp otyr.

Qyzylorda oblysynyń soltústigi men ortalyǵynda tumandy bolady.

Atyraý oblysynyń soltústiginde túnde jáne tańerteń tuman túsedi.

Aqtóbe oblysynyń soltústiginde túnde jáne tańerteń tumandy kún raıy bolady.

Abaı oblysynyń batysy, soltústigi jáne ortalyǵynda qar, burqasyn jáne kóktaıǵaq bolady. Túnde jáne tańerteń oblystyń shyǵysy men ońtústiginde tuman baıqalady. Kúndiz soltústigi men ońtústiginde batys, soltústik-batys jeli 15–20 m/s deıin kúsheıedi.

Shyǵys Qazaqstan oblysynyń soltústigi, shyǵysy jáne ońtútiginde qar, burqasyn jáne kóktaıǵaq kútiledi. Túnde jáne tańerteń shyǵysy men ońtústiginde tuman boljanady. Kúndiz oblystyń batysy men ońtústiginde batys, soltústik-batys jeli 15–20 m/s deıin kúsheıedi.

Batys Qazaqstan oblysynyń batysy, soltústigi jáne shyǵysynda tuman bolady.

Aqmola oblysynyń batysy, soltústigi jáne shyǵysynda tuman kútiledi.

Qostanaı oblysynyń soltústigi, shyǵysy jáne ońtústiginde tuman boljanady.

Soltústik Qazaqstan oblysynyń soltústigi men shyǵysynda azdaǵan qar jáne burqasyn bolady. Túnde jáne tańerteń batysy men ońtústiginde tuman. Oblystyń soltústigi, shyǵysy jáne ońtústiginde soltústik-batys, batys jeli 15–20 m/s deıin kúsheıedi.

Pavlodar oblysynyń soltústigi men shyǵysynda tuman jáne kóktaıǵaq bolady.