13:04, 02 Sáýir 2025 | GMT +5
Elimizdiń batys jáne soltústik-batys óńirlerinde jańbyr jaýady
ASTANA. KAZINFORM — «Qazgıdromet» RMK 2 sáýirge arnalǵan aýa raıy boljamyn jarııalady.

Sınoptıkter boljamynsha, batysta, soltústik-batysta jańbyr jaýady.
— Antıtsıklon áli kúnge deıin Qazaqstan aýmaǵynyń basym bóligindegi aýa raıyna áser etip jatyr, is júzinde jaýyn-shashynsyz aýa raıy saqtalady. Tek batysta, soltústik-batysta jańbyr kútiledi, shyǵysta jáne QR ońtústik-shyǵysyndaǵy taýly aýdandarda atmosferalyq frontaldy bólimderdiń ótýimen jaýyn-shashyn (jańbyr, qar) jaýýy yqtımal. QR basym bóliginde jel kúsheıip, tuman túsedi, soltústiginde — kóktaıǵaq bolady, ońtústik-shyǵysynda — naızaǵaı oınaýy múmkin, — delingen habarlamada.
Buǵan deıin habarlanǵandaı, búgin 5 qalada aýa sapasy nasharlaıdy.