Elimizdiń batys óńirlerinde drondar qulaýyna baılanysty arnaıy komıssııa quryldy
ASTANA. KAZINFORM — Komıssııa Batys Qazaqstan jáne Atyraý oblystarynda qulaǵan drondardyń qaı elge tıesili ekenin anyqtamaq. Bul jóninde QR Qorǵanys mınıstriniń orynbasary Asqar Mustabekov málimdedi.
— Ushqyshsyz ushý apparattary qaıdan kelgenin jáne qaı eldiki ekenin anyqtaý úshin arnaıy komıssııa quryldy. Onyń quramyna QR Qarýly kúshteriniń sarapshylary endi, — dedi ol.
Sondaı-aq Mustabekov elimizde drondardan qorǵanatyn quraldar jetkilikti ekenin atap ótti.
— Qazaqstannyń áýe qorǵanysy quraldary shtattyq rejımde jumys istep tur. Áýe keńistigimiz buzylǵan jaǵdaıda, ondaı faktiler tirkeýge alynady. Sondyqtan qandaı da bir zańnamalyq aktilerdi ózgertýge ne jańasyn qabyldaýǵa qajettilik joq dep esepteımin, — dedi ol.
Aıta keteıik, 26 naýryzda BQO aýmaǵynan ushqyshsyz ushatyn apparat tabyldy.
Úsh kúnnen soń, Atyraý oblysynyń aýmaǵynan da ushqyshsyz ushý apparatynyń synyqtary tabyldy.
