Elimizdiń basym bóliginde jel kúsheıedi

ASTANA. KAZINFORM — 24 qyrkúıekte Qazaqstannyń basym bóliginde jel kúsheıedi, dep habarlaıdy «Qazgıdromet» RMK. 

— QR aýmaǵynyń basym bóligi tsıklon jáne onymen baılanysqan atmosferalyq fronttardyń yqpalynda bolady, soǵan baılanysty jańbyr jaýyp, naızaǵaı bolady, — deıdi sınoptıkter.

Shyǵysta, ońtústik-shyǵysta qatty jańbyr jaýady.

Almaty oblysynyń taýly aýdandarynda jaýyn-shashyn, túngi ýaqytta qatty jaýyn-shashyn (jańbyr, qar) kútiledi.

Tek elimizdiń batysynda, soltústik-batysynda antıtsıklon jotasynyń yqpalymen jaýyn-shashynsyz aýa-raıy saqtalady.

Respýblıka boıynsha jeldiń kúsheıýi kútilýde, eldiń ońtústiginde shańdy daýyl boljanady.r Respýblıkanyń ońtústiginde, shyǵysynda túngi jáne tańerteńgi saǵattarda tuman boljanady.

Batys Qazaqstan oblysynyń soltústiginde, Atyraý oblysynyń soltústik-shyǵysynda órt qaýpi joǵary bolady.

Mańǵystaý oblysynyń ońtústik-shyǵysynda, Qostanaı oblysynyń ońtústiginde, Jetisý oblysynyń batysynda órt qaýpi joǵary bolady dep kútiledi.

Túrkistan, Qyzylorda oblystarynda, Atyraý oblysynyń soltústiginde, ońtústiginde, shyǵysynda tótenshe órt qaýpi kútiledi.

Jambyl oblysynyń batysynda, soltústiginde, ortalyǵynda, Batys Qazaqstan oblysynyń batysynda, ońtústiginde, shyǵysynda da tótenshe órt qaýpi bolady.

Aqtóbe oblysynyń ortalyǵynda, Almaty oblysynyń soltústiginde, Qaraǵandy oblysynyń ońtústiginde jáne Ulytaý oblysynda, Jetisý oblysynyń ońtústiginde, shyǵysynda tótenshe órt qaýpi kútiledi.