Elimizdiń basym bóliginde jaýyn jaýmaıdy - Qazgıdromet

ASTANA. KAZINFORM — «Qazgıdromet» RMK 24 qazandaǵy aýa raıy boljamyn jarııalady. 

Sınoptıkterdiń habarlaýynsha, elimizdiń basym bóliginde soltústik antıtsıklon áserinen jaýyn-shashynsyz aýa raıy saqtalady. Tek respýblıkanyń batysyna, soltústik-batysynda, soltústiginde, ortalyǵynda, ońtústik-shyǵystyń taýly aýdandarynda frontaldy bólimderdiń ótýinen jańbyr jaýady.

Elimizdiń barlyq aımaǵynda túngi jáne tańerteńgi ýaqytta tuman bolady. Soltústik pen ońtústik-shyǵysta jel kúsheıedi. Eldiń kóp bóliginde kún ashyq, ońtústikte kún +28°C-qa deıin jylynady.

Astana qalasynda aýa temperatýrasy +14…+16 gradýsty kórsetedi. Al Almatyda kún bultty, jaýyn-shashynsyz. +20…+22°C jyly bolady.

 Shymkent qalasy men Túrkistan oblysynda jaýyn jaýmaıdy. Aýa temperatýrasy +26…+28°C. 

Qyzylorda men Taraz qalasynda da kún bultty, alaıda jaýyn-shashynsyz. Kún +23…+25 gradýsqa deıin jylıdy.

Túnde Jetisý oblysynyń soltústiginde, ortalyǵynda 1-3 gradýs úsik júredi.

Mańǵystaý, Ulytaý oblystarynda, Atyraý oblysynyń soltústik-shyǵysynda, ońtústik-shyǵysynda joǵary órt qaýpi bar.

Aqtóbe oblysynyń ońtústiginde, shyǵysynda, Jambyl oblysynyń ortalyǵynda jáne Qyzylorda oblysynyń soltústiginde, ortalyǵynda da joǵary órt qaýpi saqtalady.

Mundaı boljam Almaty oblysynyń batysynda, Qostanaı jáne Aqmola oblystarynyń ońtústik-batysynda, Abaı oblysynyń ońtústiginde de boljanǵan.

Tótenshe órt qaýpi Qyzylorda, Túrkistan oblystarynda, Atyraý oblysynyń ońtústiginde, shyǵysynda, Jambyl oblysynyń batysynda, soltústiginde saqtalady. 

Aqtóbe oblysynyń batysynda, soltústik-shyǵysynda, ortalyǵynda, Almaty oblysynyń soltústiginde, Qostanaı jáne Ulytaý oblystarynyń ońtústiginde de tótenshe órt qaýpi bar.

Sondaı-aq búgin 13 qalada aýa sapasy tómendeıdi.