Elimizdiń basym bóliginde kún raıyna baılanysty eskertý jarııalandy

Kásiporynnyń boljamyna qaraǵanda, erteń, 10 sáýir kúni Abaı oblysynda kúndiz jańbyr jaýyp, naızaǵaı oınaıdy, óńirdiń batysy, soltústigi men ortalyǵynda burshaq túsip, ekpindi jel kútiledi. Jel ońtústik-batystan soltústik-batysqa aýysyp, túnde oblystyń ońtústik-batysy men ortalyǵynda sekýndyna 15–20 metrge jetedi, kúndiz soltústik, shyǵys jáne ortalyq bólikterinde ekpini 23–28 metrge deıin kúsheıedi. Oblystyń ońtústiginde órt qaýpi saqtalady.

Atyraý oblysynda túnde jańbyr men naızaǵaı boljanady, kúndiz óńirdiń shyǵysy men ońtústiginde ótkinshi jańbyr jaýyp, naızaǵaı oınaıdy.

Almaty oblysynyń batysy men ońtústiginde túnde jańbyr jaýyp, naızaǵaı bolady, taýly aýdandarda keı tusta jaýyn-shashyn kúsheıip, jańbyr aralas qar jaýýy múmkin. Kúndiz oblystyń ońtústigi men taýly aımaqtarynda ótkinshi jańbyr jaýyp, naızaǵaı oınaıdy. Jel ońtústik-batystan soltústik-batysqa aýysyp, soltústik, shyǵys jáne taýly óńirlerde ekpini 15–20 m/s jetedi. 10 sáýirde oblystyń soltústigi, batysy jáne ońtústiginde órt qaýpi joǵary.

Aqtóbe oblysynyń batysy men soltústiginde túnde jáne tańerteń tuman túsedi. Jel ońtústik-shyǵystan soltústik-batysqa aýysyp, keı jerlerde ekpini 15–20 m/s bolady.

Aqmola oblysynyń soltústiginde túnde jáne tańerteń jańbyr aralas qar jaýyp, kóktaıǵaq bolady. Óńirdiń batysy, ortalyǵy men shyǵysynda tuman túsedi.

Shyǵys Qazaqstan oblysynda kúndiz jańbyr jaýyp, naızaǵaı oınaıdy, óńirdiń soltústigi men shyǵysynda nóser kúsheıip, burshaq pen ekpindi jel bolady. Jel ońtústik-shyǵystan soltústik-batysqa aýysyp, keı jerlerde ekpini 25 m/s deıin jetedi.

Jambyl oblysynyń taýly aýdandarynda kúndiz jańbyr jaýyp, naızaǵaı oınaıdy. Óńirdiń ońtústigi men taýly óńirlerinde tuman túsýi yqtımal. Jeldiń jyldamdyǵy taýly aımaqtarda 15–20 m/s jetedi. Oblystyń batysynda órt qaýpi joǵary bolady.

Jetisý oblysynyń ońtústigi, shyǵysy, ortalyǵy jáne taýly aýdandarynda jańbyr jaýyp, naızaǵaı oınaıdy. Kúndiz shyǵysy men taýly óńirlerinde jaýyn-shashyn kúsheıip, ekpindi jel turady. Jeldiń ekpini 15–20 m/s jetedi. Oblystyń soltústigi men ońtústiginde órt qaýpi joǵary.

Batys Qazaqstan oblysynyń shyǵys bóliginde túnde nóser jańbyr kútiledi. Óńirdiń batysy, soltústigi men shyǵysynda túnde jáne tańerteń tuman bolady. Jeldiń ekpini kúndiz keı jerlerde 15–20 m/s jetedi.

Qaraǵandy oblysynyń batysy, soltústigi men shyǵysynda túnde jáne tańerteń tuman túsedi. Jel ońtústik-batystan soltústik-batysqa aýysyp, oblystyń shyǵysy men ońtústiginde ekpini 15–20 m/s bolady. Batysy men ońtústiginde órt qaýpi saqtalady.

Qostanaı oblysynyń batysy men soltústiginde kúndiz jańbyr jaýyp, naızaǵaı oınaıdy. Ońtústigi men shyǵysynda tuman túsedi. Jeldiń ekpini 15–20 m/s jetedi.

Qyzylorda oblysynyń soltústigi, shyǵysy jáne ortalyǵynda túnde jáne tańerteń tuman bolady.

Mańǵystaý oblysynyń soltústik-batysy men shyǵysynda jańbyr jaýyp, naızaǵaı oınaıdy. Túnde jáne tańerteń óńirdiń soltústigi men ortalyǵynda tuman túsedi.

Pavlodar oblysynda jel shyǵystan soǵyp, kúndiz soltústik baǵytqa aýysady, oblystyń ońtústigi men shyǵysynda ekpini 15–20 m/s jetedi.

Soltústik Qazaqstan oblysynyń shyǵysy men ońtústiginde qar aralas jańbyr jaýady, kóktaıǵaq bolady, soltústiginde azdaǵan jaýyn-shashyn kútiledi. Ońtústigi men batysynda tuman baıqalady. Jeldiń ekpini 15–20 m/s jetedi.

Túrkistan oblysynyń batysy, ońtústigi jáne taýly aýdandarynda ótkinshi jańbyr jaýyp, naızaǵaı oınaıdy. Taýly óńirlerde túnde jáne tańerteń tuman túsedi. Jeldiń ekpini 15–20 m/s jetedi. Oblystyń batysy men soltústiginde órt qaýpi joǵary deńgeıde saqtalady.

Osyǵan deıin Ertis ózeninde seń júre bastaǵany týraly jazdyq.