Elimizdiń basym bóliginde qar jaýyp, burqasyn bolady
ASTANA. KAZINFORM — Aldaǵy úsh táýlik ishinde atmosferalyq fronttyq bólikterdiń áserinen Qazaqstannyń basym bóliginde qar jaýyp, jaıaý burqasyn soǵyp, jel kúsheıedi dep boljanady.
Eldiń ońtústiginde jańbyr men qar túrindegi jaýyn-shashyn bolady, 22 qańtarda taýly aımaqtarda qalyń qar jaýady. Respýblıka boıynsha tuman boljanady, al eldiń ońtústigi men ońtústik-shyǵysynda kóktaıǵaq bolady.
22 qańtarda sýyq antıtsıklon respýblıkanyń soltústik jartysyna áser etip, bul óńirlerde aýa temperatýrasy túnde 25–38 gradýs aıazǵa deıin, kúndiz 20–30 gradýs aıazǵa deıin tómendeıdi.
Al Qazaqstannyń batysynda, ońtústik-batysynda, ońtústiginde jáne ońtústik-shyǵysynda aýa temperatýrasy birtindep joǵarylaıdy: kúndiz ońtústik óńirlerde aýa temperatýrasy 5 gradýs aıazdan 3 gradýs jylýǵa deıin, taýly aýdandarda 8–13 gradýs aıaz, al batys óńirlerde 5–13 gradýs aıaz bolady dep kútiledi.
Aıta ketelik BQO-da kóktaıǵaqtan jaraqat alǵandar sany 860-tan asqan edi.
