Elimizdiń basym bóliginde qar jaýady - Qazgıdromet

ASTANA. KAZINFORM – «Qazgıdromet» RMK-sy aqpannyń 27-si kúngi kún raıy boljamyn jarııalady.

Kásiporynnyń derekterine qaraǵanda, atmosferalyq aǵyndardyń ótýine baılanysty elimizdiń basym bóliginde qar jaýady.

Respýblıka boıynsha tuman, kóktaıǵaq bolyp, eldiń soltústiginde, ońtústiginde, ońtústik-batysynda, ortalyǵynda jel kúsheıip, burqasyndatady.

Mańǵystaý oblysynyń soltústik-shyǵysynda, túnde Jetisý oblysynyń taýly aýdandarynda qalyń qar jaýady.

Túnde Almaty oblysynyń shyǵysynda, kúndiz Jetisý oblysynyń soltústik-shyǵysynda, taýly aýdandarynda jeldiń jyldamdyǵy sekýndyna 30 metrge jetedi, odan da kúshti bolýy múmkin.

Osyǵan deıin habarlaǵanymyzdaı, Almatyda báısheshek gúldedi.