Elimizdiń basym bóliginde aýa raıyna baılanysty eskertý jarııalandy
ASTANA. KAZINFORM – Sınoptıkter 20 aqpanda elordada jáne elimizdiń basym bóliginde aýa raıyna baılanysty eskertý jarııalady, dep habarlaıdy «Qazgıdromet» RMK baspasóz qyzmeti.
Ulytaý oblysynyń soltústiginde, shyǵysynda tuman, kóktaıǵaq bolady dep boljanyp otyr.
Qaraǵandy oblysynyń soltústiginde tuman túsedi, kóktaıǵaq bolýy yqtımal.
Pavlodar oblysynyń ońtústigine men batysyna tuman túsedi.
Soltústik Qazaqstan oblysynda qar jaýyp, jaıaý burqasyn júredi dep kútilýde. Oblystyń batysynda, ońtústiginde tuman túsip, túnde ońtústik-batysynda soltústik-shyǵystan jel soǵady, ekpini - 15-20 m/s. Petropavlda da qar jaýyp, jaıaý burqasyn júredi dep boljandy.
Qyzylorda oblysynyń shyǵysy men ortalyǵyna tuman túsýi yqtımal.
Aqtóbe oblysynyń ońtústigine tuman túsedi dep boljanyp otyr.
Jambyl oblysynyń taýly aýdandarynda kóktaıǵaq bolady. Atalǵan oblystyń soltústigine, ońtústigine, taýly aýdandaryna tuman túsýi múmkin. Tarazda da tuman kútilýde.
Aqmola oblysynyń batysynda, soltústiginde qar jaýyp, jaıaý burqasyn júredi. Oblystyń batysyna, soltústigine, shyǵysyna tuman túsedi. Kókshetaýda da túnde jáne tańerteń tuman kútiledi.
Atyraý oblysynyń soltústiginde, ońtústiginde qar jaýyp, jaıaý burqasyn júredi dep boljandy. Atyraýda da qar jaýady, jaıaý burqasyn júredi.
Mańǵystaý oblysynyń batysynda, soltústiginde, ortalyǵynda jaıaý burqasyn júrip, jaýyn-shashyn (qar, jańbyr), kóktaıǵaq, túnde jáne tańerteń oblystyń soltústik-shyǵysynda, ortalyǵynda tuman bolady dep kútilip otyr. Túnde oblystyń batysynda soltústik-shyǵystan soqqan jeldiń ekpini - 15-20 m/s. Aqtaýda kóktaıǵaq bolýy yqtımal.
Qostanaı oblysynyń soltústigine, ońtústigine tuman túsedi dep kútilýde. Qostanaıda da túnde jáne tańerteń tuman bolady.
Túrkistan oblysynyń soltústigine, taýly aýdandaryna tuman túsý yqtımaldylyǵy joǵary.
Astanada keı ýaqyttarda tuman baıqalady.
Shyǵys Qazaqstan oblysynyń soltústiginde, shyǵysynda, ońtústiginde tuman bolady dep kútilip otyr. Óskemende de túnde jáne tańerteń tuman túsýi yqtımal.
Eske sala keteıik, buǵan deıin 19 aqpanǵa arnalǵan aýa raıy boljamy usynylǵan edi.