Elimizdiń basym bóliginde aýa raıy jaýyn-shashynsyz bolady — Qazgıdromet
ASTANA. KAZINFORM — «Qazgıdromet» RMK 7 tamyz kúngi aýa raıy boljamyn jarııalady.
Keń aýqymdy antıtsıklonnyń áserinen Qazaqstannyń basym bóliginde jaýyn-shashynsyz aýa raıy boljanady. Tek shyǵysta, ońtústik jáne ońtústik-shyǵystyń taýly aýdandarynda atmosferalyq frontaldy bólikterdiń ótýine baılanysty naızaǵaı oınap, jańbyr jaýady.
Shyǵysta jańbyr, jekelegen aýdandarda burshaq jaýýy múmkin.
Respýblıka boıynsha jeldiń kúsheıýi boljanǵan. Ońtústikte shańdy daýyl, batysta jáne soltústikte túnde jáne tańerteń tuman bolady.
Kúndiz Almaty, Batys Qazaqstan, Atyraý, Aqtóbe, Jetisý jáne Ulytaý oblystarynda 35-38 gradýs qatty ystyq bolady.
Mańǵystaý oblysynda aýa temperatýrasy 38-40 gradýsqa jetedi.
Túrkistan, Qyzylorda oblystarynda 40 gradýs qatty ystyq boljanǵan.
Aıta keteıik, búgin Astana men taǵy 5 qalada aýa sapasy nasharlaıdy.
