Elimizdiń basym bóliginde aýa raıy turaqsyz — Qazgıdromet
ASTANA. KAZINFORM — Sınoptıkter 17 sáýirde elimizdiń birqatar aımaǵynda qolaısyz aýa raıy bolatynyn eskertti.
Qazaqstannyń basym bóliginde atmosferalyq frontaldy júıelerdiń ótýimen turaqsyz aýa raıy saqtalady. Elimizdiń basym bóliginde naızaǵaı oınap, jańbyr jaýady.
Respýblıkanyń ońtústiginde, ońtústik-shyǵysynda qatty jańbyr jaýyp, elimizdiń soltústik-shyǵysynda, shyǵysynda, ortalyǵynda, ońtústik-shyǵystyń taýly aýdandarynda jaýyn-shashyndy bolady. Sondaı-aq kóktaıǵaq bolyp, keı ýaqyttarda qatty qar aralas jańbyr, burshaq jaýyp, daýyl turady.
Elimizdiń barlyq aımaǵynda tuman bolyp, jel kúsheıip, ońtústikte shańdy daýylmen jel soǵady.
Túrkistan oblysynyń taý bókterinde, ońtústik-batysynda, Jambyl oblysynyń taý bókterinde, Almaty oblysynyń ońtústiginde, shyǵysynda keı ýaqyttarda 30 m/s jáne odan joǵary óte qatty jel soǵady.
Sondaı-aq atalǵan óńirlerdiń keı aýmaqtary men Abaı oblysynyń ońtústiginde joǵary órt qaýipi saqtalady.
Buǵan deıin Jetisý oblysynda kún kúrt sýytyp, oblystyń shyǵysynda jáne taýly aımaqtarynda jaýyn-shashynnyń mol túsetini boljanǵan.