Elimizdiń basym bóliginde aýa raıy turaqsyz bolady

ASTANA. KAZINFORM — Qazaqstannyń birqatar óńirinde tuman túsip, naızaǵaı, jańbyr jaýyp, jel kúsheıedi. 

Abaı oblysynyń batysy men soltústiginde túnde jáne tańerteń tuman kútiledi. Jel soltústik, soltústik-shyǵystan soǵady, oblystyń shyǵysy men ońtústik-batysynda ekpini sekýndyna 15–20 metrge deıin jetedi. Ońtústiginde joǵary órt qaýpi saqtalady.

Almaty oblysynyń taýly jáne taý bókterindegi aýdandarynda kúndiz qysqa merzimdi jańbyr men naızaǵaı bolady. Oblystyń soltústigi, batysy, shyǵysy jáne ortalyǵynda joǵary órt qaýpi saqtalady.

Aqmola oblysynyń batysy men soltústiginde kúndiz jańbyr men naızaǵaı kútiledi. Túnde jáne tańerteń soltústik pen shyǵysynda tuman bolady. Jel ońtústik-batys, batystan soǵyp, kúndiz ekpini 15–20 m/s-qa deıin jetedi.

Aqtóbe oblysynyń soltústigi, shyǵysy jáne ortalyǵynda kúndiz jańbyr men naızaǵaı bolady. Jel ońtústik-shyǵystan soǵyp, keı jerlerde ekpini 15–20 m/s-qa deıin kúsheıedi.

Atyraý oblysynyń soltústigi men shyǵysynda jańbyr men naızaǵaı, ońtústiginde álsiz jańbyr kútiledi. Oblystyń batysy, soltústigi jáne ońtústiginde tuman bolady. Jel ońtústik, ońtústik-batystan soǵyp, shyǵysynda ekpini 15–18 m/s-qa deıin jetedi.

Shyǵys Qazaqstan oblysynyń soltústigi men shyǵysynda túnde jáne tańerteń tuman túsedi. Jel soltústik-batystan, ońtústiginde ekpini 15–20 m/s-qa deıin kúsheıedi.

Jambyl oblysynyń taýly aımaqtarynda kúndiz jańbyr men naızaǵaı bolady. Ońtústiginde jáne taýly aýdandarda tuman kútiledi. Jel soltústik-shyǵystan soǵyp, keı jerlerde 15–20 m/s-qa deıin kúsheıedi. Batysynda joǵary órt qaýpi saqtalyp, ońtústik-shyǵysynda da kútiledi.

Jetisý oblysynyń taýly aımaqtarynda kúndiz álsiz jańbyr men naızaǵaı bolady. Alakól kólderi mańynda jeldiń ekpini 15–20 m/s, keıde 25 m/s-qa deıin jetedi. 12–15 sáýir aralyǵynda oblystyń soltústigi, ońtústigi jáne ortalyǵynda joǵary órt qaýpi saqtalady.

Batys Qazaqstan oblysynyń soltústigi men shyǵysynda kúndiz jańbyr men naızaǵaı bolady. Túnde jáne tańerteń batysy, soltústigi jáne shyǵysynda tuman kútiledi. Jel soltústik-shyǵystan soǵyp, shyǵysynda ekpini 15–20 m/s-qa deıin jetedi.

Qaraǵandy oblysynyń batysy, soltústigi jáne shyǵysynda túnde jáne tańerteń tuman bolady. Batysy men ońtústiginde joǵary órt qaýpi saqtalady.

Qostanaı oblysynyń batysy, soltústigi jáne shyǵysynda kúndiz jańbyr men naızaǵaı kútiledi. Keı jerlerde tuman bolady.

Pavlodar oblysynyń batysy men ońtústiginde túnde tuman kútiledi. Jel batystan soǵyp, kúndiz ekpini 15–20 m/s-qa deıin kúsheıedi.

Soltústik Qazaqstan oblysynyń ońtústigi men shyǵysynda tuman bolady. Jel ońtústik-batys, batystan soǵyp, ekpini 15–20 m/s, kúndiz keıde 23 m/s-qa deıin jetedi.

Túrkistan oblysynyń batysy men soltústiginde joǵary órt qaýpi saqtalady.

Ulytaý oblysynyń batysy, soltústigi jáne ortalyǵynda túnde jáne tańerteń tuman kútiledi.

Mańǵystaý oblysynyń soltústik-batysy men soltústik-shyǵysynda jańbyr men naızaǵaı bolady. Túnde jáne tańerteń batysy men ortalyǵynda tuman túsedi. Jel soltústik-batystan soǵyp, keı jerlerde ekpini 15 m/s-qa deıin jetedi.

Aıta ketelik Batys Qazaqstan oblysynda Jaıyq ózeniniń aǵysy báseńdegen edi.