Elimizdiń bas seısmology jer silkinisi týraly málimdeme jasady
ALMATY. KAZINFORM — Ulttyq seısmologııalyq baqylaýlar jáne zertteýler ǵylymı ortalyǵynyń dırektory Dáýlet Sársenbaev Almatyda jáne Almaty oblysynda bolǵan jer silkinisi boıynsha qazaqstandyqtarǵa vıdeoúndeý joldady.
«Almaty qalasy jáne Almaty oblysynyń turǵyndary 3-4 baldy sezdi. Bul seısmıkalyq jaǵdaı elimizdiń joǵary seısmıkalyq aımaǵy úshin kúndelikti bolyp turatyn tabıǵı qubylys. Qurmetti azamattar, tek resmı aqparat kózderine senip, áleýmettik jeliler men BAQ-taǵy arandatýshylyqqa boı aldyrmaýlaryńyzdy suraımyz», — dedi Dáýlet Sársenbaev.
Aıta keteıik, búgin saǵan 10:00-de Almaty turǵyndary jer silkinisin sezindi.
Osyǵan deıin Qazaq qurylys jáne sáýlet ǵylymı zertteý jáne jobalaý ınstıtýtynyń óndiris jónindegi basqarýshy dırektory, tehnıka ǵylymdarynyń kandıdaty Eraly Shoqbarovtyń «elde qazir salynyp jatqan kópqabatty úıdiń bári qaýipsiz» degen pikirin bergen edik.
