Elimizdiń barlyq óńirinde psıhologııalyq qoldaý ortalyqtary jumys isteıdi
ASTANA. KAZINFORM — Bıyl 9 aıdyń ishinde psıhologııalyq qoldaý ortalyqtary 23 myńnan astam adamǵa kómek kórsetti. Bul týraly QR Oqý-aǵartý mınıstrligi jarııalady.
Onyń ishinde shamamen 14 myń bala, 9 myńnan astam ata-ana jeke konsýltatsııa men psıhologııalyq kómek alǵan.
— Eger siz zorlyq-zombylyqqa, qatygezdikke tap bolsańyz nemese bala qaýipsizdigine qater tóngenin baıqasańyz, psıhologııalyq qoldaý ortalyǵyna júginińiz. Mamandar balalar men ata-analarǵa kásibı kómek kórsetip, qupııalylyqty jáne qaýipsizdikti qamtamasyz etedi, — delingen aqparatta.
Atalǵan ortalyqtardyń qyzmeti Balalardy zorlyq-zombylyqtan qorǵaý, sýıtsıdtiń aldyn alý jáne olardyń quqyqtary men salamattylyǵyn qamtamasyz etý jónindegi 2023–2025 jyldarǵa arnalǵan keshendi jospar aıasynda júzege asyrylyp keledi.
Buǵan deıin turmystyq zorlyq-zombylyq kórgen áıelderge psıhologııalyq qoldaý aýadaı qajet ekendigi týraly jazdyq.
Sondaı-aq psıhologııalyq qoldaý ortalyqtarynyń jumysy qalaı retteletini týraly jarııaladyq.
