Elimizdiń barlyq óńirinde órt qaýipsizdigi aılyǵy júrip jatyr

ASTANA. KAZINFORM – Bıylǵy 15 tamyzdan bastap elimizdiń barlyq óńirinde órt qaýipsizdigi aılyǵy bastaldy.

Aılyqtyń maqsaty — órt sanyn azaıtýǵa jáne tilsiz jaýdan adamdardyń qaza bolýyna, sondaı-aq órt qaýipsizdigi sharalaryn kúsheıtýge baǵyttalǵan is-sharalar keshenin iske asyrý.

Órt qaýipsizdigi aılyǵy aıasynda QR TJM Órtke qarsy qyzmet komıteti osy baǵytta aýqymdy kópjosparly jumys júrgizýde.

«Máselen, elimizdiń barlyq óńirinde 2024 jylǵy 25 tamyz kúni saǵat 13-00-den bastap 14-00 aralyǵynda adamdardyń jappaı jınalatyn oryndarynda — iri saýda-oıyn-saýyq ortalyqtarynda, bazarlarda, pavılondarda, „Mechta“, „Tehnodom“ turmystyq tehnıka dúkenderinde jáne t. b., LED ekrandar men daýys zoraıtqysh qurylǵylardy qoldanýmen oqytý beınerolıkteri jáne aýdıony bir mezgilde tarata otyryp, órt qaýipsizdiginiń biryńǵaı saǵaty ótkizildi», — dep jazdy vedomstvodan.

Bul aktsııa órttiń, adam óliminiń aldyn alýǵa jáne jaraqattanýǵa, halyqtyń órt qaýipsizdigi salasynda quqyqtyq sana deńgeıin arttyrýǵa baǵyttalǵan.