Elimizdiń barlyq bilim berý uıymynda Naýryznama onkúndigi bastaldy
ASTANA. KAZINFORM – Naýryz meıramyn merekeleý aıasyndaǵy is-sharalar 12-23 naýryz aralyǵynda elimizdiń barlyq mektebinde ótip jatyr. Osy kúnderi bilim berý uıymdarynda taqyryptyq chellendjder, ekologııalyq aktsııalar jáne ulttyq oıyndardan jarystar uıymdastyrylady. Bul týraly Oqý-aǵartý mınıstrligi habarlady.
Іs-sharalar «Adal azamat» birtutas tárbıe baǵdarlamasy aıasynda uıymdastyrylyp jatyr. Onyń negizgi maqsaty - mádenı-áleýmettik jáne sporttyq sharalardyń mazmunyn jańartý, balalarǵa arnalǵan tsıfrlyq jobalardy damytý, sondaı-aq ulttyq qundylyqtardy zamanaýı formatta dáripteý.
Osy is-sharalar aıasynda naýryz aıynyń 19-y kúni saǵat 11:00-de el aýmaǵyndaǵy mektepterde, qosymsha bilim berý uıymdary men kolledjderde «Kúı kúmbiri» respýblıkalyq dombyrashylar aktsııasy ótedi.
Aıta keteıik, búgin – naýryznamanyń bastaýy bolyp esepteletin Amal merekesi.
Elimizde Ulys merekesin jańa formatta toılaý úshin 14-23 naýryz kúnderi Naýryznama onkúndigi dep jarııalandy. Ár kún qazaq mádenıetin, qoǵamnyń rýhanı baılyǵyn kórsetetin belgili bir taqyryp pen qundylyqqa arnalady. Onkúndik qaıyrymdylyq pen mádenı sharalardan bastap, ulttyq salt-dástúrler men ekologııalyq aktsııalarǵa deıin qoǵamnyń barlyq salasyn qamtýǵa baǵyttalǵan. Osy Naýryznamanyń alǵashqy kúni batys óńirlerde saqtalyp qalǵan, jyldan-jylǵa aıasy keńeıip kele jatqan Amal kúnine dóp keldi.
Amal merekesi, kórisý salty — burynnan bar, qazaqqa ortaq dástúrdiń úrdisi.