Elimizdiń barlyq aýmaǵynda naızaǵaı oınap, jańbyr jaýady — Qazgıdromet
ASTANA. KAZINFORM — Sınoptıkter el aýmaǵy boıynsha 7 mamyr kúngi aýa raıy boljamyn jarııalady.
Sınoptıkterdiń boljaýynsha, soltústik-batys tsıklony jáne onymen baılanysty atmosferalyq frontaldy bólimder áserinen, Qazaqstannyń barlyq aýmaǵynda naızaǵaı oınap, jańbyr jaýady.
Elimizdiń batysynda, soltústik-batysynda jańbyr quıyp, burshaq jaýyp, daýyl bolady dep boljanǵan. Tek QR shyǵysynda, ońtústik-shyǵysynda jaýyn-shashynsyz aýa raıy saqtalady. Respýblıka boıynsha jel kúsheıedi, eldiń soltústigi men ońtústiginde shańdy daýyl bolady.
Qyzylorda, Qaraǵandy, Pavlodar, Ulytaý, Abaı oblystarynda, Túrkistan oblysynyń soltústiginde, ońtústiginde, ortalyǵynda joǵary órt qaýpi kútiledi.
Sondaı-aq mundaı boljam Jambyl oblysynyń soltústigine, batysyna, shyǵysyna, ortalyǵyna, Almaty oblysynyń soltústigine, ortalyǵyna jáne Jetisý oblysynyń batysyna, soltústigine, ortalyǵyna da jasalǵan.
Joǵary órt qaýpi Aqtóbe oblysynyń ońtústiginde, Aqmola oblysynyń ońtústik-shyǵysynda, Soltústik Qazaqstan oblysynyń batysynda, Shyǵys Qazaqstan oblysynyń batysynda, soltústik-batysynda da kútiledi.
Jetisý oblysynyń ońtústik-shyǵysynda, ońtústiginde tótenshe órt qaýpi saqtalady.
Aıta keteıik, elimizdiń 7 qalasynda aýa sapasy nasharlaıdy.
