Elimizdiń barlyq aýmaǵyn tuman basady — Qazgıdromet
ASTANA. KAZINFORM — «Qazgıdromet» RMK 9 qańtardaǵy aýa raıy boljamyn jarııalady.
Búgin respýblıkanyń basym bóligi antıtsıklonnyń yqpalynda bolady, negizinen jaýyn-shashynsyz aýa raıy saqtalady.
Elimizdiń batysynda qar aralas jańbyr jaýyp, kóktaıǵaq boljanǵan. Soltústikte azdaǵan qar jaýyp, jaıaý burqasyn bolady. Respýblıkanyń barlyq aýmaǵyn tuman basyp, jel kúsheıedi.
Atyraý oblysynyń batysynda, soltústiginde, ońtústiginde túnde jáne tańerteń tuman, kóktaıǵaq kútiledi. Oblystyń batysynda, ońtústiginde ońtústik-shyǵys jeldiń ekpini 15-20 m/s.
Pavlodar oblysynyń soltústigi men shyǵysyn tuman basady.
Túrkistan oblysynyń batysynda, soltústiginde, ońtústiginde, taýly aımaqtarynda tuman bolady.
Tuman Qaraǵandy oblysynyń batysy, soltústigi men ońtústiginde de boljanǵan.
Ulytaý oblysynyń soltústiginde, shyǵysynda, ortalyǵynda tuman kútiledi. Aımaqtyń ońtústik-shyǵysynda, soltústiginde jel uıytqyp, ekpini 15-20 m/s bolady.
Almaty oblysynyń taýly aýdandary men ońtústik aımaqtarda keıde tuman kútiledi.
Kúndiz Batys Qazaqstan oblysynyń batysynda kóktaıǵaq kútiledi. Oblystyń batysynda, soltústiginde, ońtústiginde tuman bolady.
Qalyń tuman Abaı oblysynyń ortalyǵyn da basady.
Elimizdiń ortalyǵy men Aqtóbe oblysynyń ońtústiginde tuman kútiledi. Ortalyqta, ońtústik-shyǵys pen batys aýmaqtarda jel turyp, ekpini 15 m/s jetedi.
Aqmola oblysynyń batysynda, ońtústiginde tuman bolady. Ońtústik-batys pen soltústiginde ekpini 15-20 m/s jetetin jel turady.
Qostanaı oblysynyń soltústiginde, shyǵysynda, ońtústiginde de tuman boljanǵan.
Túnde Soltústik Qazaqstan oblysynyń soltústiginde azdaǵan qar jaýyp, qarly boran bolady. Oblystyń batysyn tuman basady.
Qyzylorda oblysynyń ortalyǵynda, ońtústiginde, soltústiginde tuman bolady.
Mańǵystaý oblysynyń batysynda túnde jáne tańerteń kóktaıǵaq boljanǵan. Oblystyń soltústiginde, ońtústiginde, ortalyǵynda tuman kútiledi. Kúndiz óńirdiń ońtústik-shyǵys, batys jáne ortalyǵynda jel turady.
Jetisý oblysynyń shyǵysynda, ortalyǵynda, taýly aýdandarynda keıde tuman bolady. Alakól kólderi aýdanynda jeldiń ekpini 15-20 m/s jetedi.
Aıta keteıik, elimizde 7 qalanyń aýasy eki kúnnen beri lastanyp tur.