Kaspi.kz maqsatty model aıasynda biryńǵaı QR júıesine qosyldy

ALMATY. KAZINFORM — Kaspi.kz maqsatty modeldiń aıasynda QR Ulttyq bankiniń Ulttyq tólem korporatsııasymen biryńǵaı QR júıesine qosylý týraly kelisimge qol qoıdy.

Kaspi.kz basshysy jáne negizin qalaýshylardyń biri Mıhaıl Lomtadze bylaısha túsindirip ótti.

— Bıyl biz Ulttyq bankpen birlesip, ásirese operatsııalardyń qaýipsizdigin qamtamasyz etý bóliginde belsendi jumys istedik. Biryńǵaı QR júıesine qosylý — Qazaqstanda keń, zamanaýı ári qaýipsiz tólem ınfraqurylymyn qurýdaǵy mańyzdy qadam. Súıikti klıentterimiz jaqyn arada kez kelgen banktiń QR-kody arqyly tóleı alady, — dedi Mıhaıl Lomtadze.

Biryńǵaı QR boıynsha tólemder Ulttyq banktiń ortalyq ınfraqurylymy arqyly ótedi. Barlyq bankter bul ınfraqurylymǵa teń talaptarmen qosylady. Maqsatty model klıentter men kompanııalardy alaıaqtyq táýekelderinen eń joǵary deńgeıde qorǵaýdy qamtamasyz etedi.