Azamattyq avıatsııanyń damýy halyqaralyq deńgeıde moıyndaldy
ASTANA. KAZINFORM - Qazaqstan delegatsııasy IKAO-nyń jolaýshylardy sáıkestendirý baǵdarlamasy (TRIP) boıynsha XXI sımpozıýmynda eldiń áýejaılarynda tulǵany taný men jolaýshylardy bıometrııalyq sáıkestendirý tehnologııalaryn engizý tájirıbesin tanystyrdy, dep habarlaıdy QR Kólik mınıstrliginiń baspaóz qyzmeti.
Qazaqstannyń delegatsııasy «Seamless Travel in Practice» («Іs júzindegi kedergisiz saıahat») sessııasynda spıker retinde sóz sóılep, avtomattandyrylǵan shekaralyq baqylaýdy praktıkalyq engizý nátıjeleri, rásimderdi jedeldetý úshin bıometrııalyq tehnologııalardy qoldaný, sondaı-aq zamanaýı tsıfrlyq sheshimderdi memlekettik aqparattyq júıelermen ıntegratsııalaý tásilderi týraly prezentatsııa jasady.
Іs-sharaǵa IKAO Keńesiniń Prezıdenti Toshııýkı Onýma, 70 el men 7 halyqaralyq uıym, sondaı-aq avıatsııa ındýstrııasynyń halyqaralyq kompanııalarynan 600-den astam delegat qatysty.
Elimizdiń atynan is-sharaǵa Halyqaralyq azamattyq avıatsııa uıymy (IKAO) janyndaǵy Qazaqstan Respýblıkasynyń Turaqty ókili Tımýr Tlegenov jáne Qazaqstannyń avıatsııalyq ákimshiliginiń rásimderdi ońaılatý, jolaýshylar men júkterge qyzmet kórsetý departamentiniń dırektory – bas avıatsııalyq ınspektor Vsevolod Kım qatysty.
Bul sessııada Rýmynııa, Sıngapýr men Horvatııa, sondaı-aq Eýropadaǵy qaýipsizdik jáne yntymaqtastyq uıymy (EQYU) ókilderi ózderiniń praktıkalyq tájirıbelerimen bólisti.
Talqylaý barysynda shekaralyq baqylaýdan kedergisiz ótýdiń jańa tujyrymdamalaryna, baılanyssyz tehnologııalarǵa, jolaýshylardy tsıfrlyq sáıkestendirýge jáne zamanaýı sheshimderdi ulttyq shekaralardy basqarý júıelerine ıntegratsııalaýǵa nazar aýdaryldy.
Qaýipsizdik, rásimderdi ońaılatý, derbes derekterdi qorǵaý jáne jolaýshylarǵa qolaılylyq arasyndaǵy ońtaıly teńgerimdi qamtamasyz etýge, sondaı-aq engizilip jatqan júıelerdiń ICAO standarttary men usynylatyn praktıkasyna sáıkes halyqaralyq úılesimdiligin qamtamasyz etýge erekshe kóńil bólindi.
Sımpozıým barysynda halyqaralyq avıatsııalyq qoǵamdastyqtyń ókilderi elimiz azamattyq avıatsııasynyń damý serpinin jáne halyqaralyq standarttardy engizý, salany tsıfrlandyrý jáne jolaýshylarǵa qyzmet kórsetýdiń zamanaýı tehnologııalaryn damytý baǵytyndaǵy júıeli jumysyn atap ótti.
Qazaqstandyq mamandardyń IKAO-nyń halyqaralyq alańdarynda spıkerler men sarapshylar retinde qatysýy ulttyq tájirıbeni ilgeriletýge, álemniń jetekshi avıatsııalyq jáne shekaralyq vedomstvolarymen kásibı ózara is-qımyldy keńeıtýge jáne elimizdiń halyqaralyq avıatsııalyq qoǵamdastyqtaǵy ustanymdaryn odan ári nyǵaıtýǵa yqpal etedi.
Osyǵan deıin Astananyń IKAO-nyń avıatsııalyq qaýipsizdik jónindegi mańyzdy alańyna aınalatyny týraly jazdyq.
