Elimizdiń aımaqtarynda úsik júrýi yqtımal - Qazgıdromet

ASTANA. KAZINFORM – «Qazgıdromet» RMK-sy 2025 jyldyń 2-4 qyrkúıegi aralyǵynda bolatyn kún raıy boljamyn jarııalady.

Kásiporynnyń habarlaýynsha, Qazaqstannyń kún raıyna antıtsıklon áser etip, respýblıkanyń basym bóliginde kún sýytady.

Atap aıtqanda, soltústik-batysta, soltústikte, ortalyqta jáne eldiń shyǵysynda túngi ýaqytta termometr baǵandary 2-8 gradýs jylylyqty kórsetedi jáne 2 gradýsqa deıin úsik júrýi yqtımal.

Eldiń ońtústik-shyǵys óńirleriniń turǵyndary kúndiz ystyqtyń 20-28 gradýsqa deıin túskenin sezedi. Tek eldiń batysy, ońtústik-batysy aýa temperatýrasy osy kezde 32-40 gradýs ystyqty kórsetip turǵan Iran aýmaǵynan keletin jyly aýa masalarynyń yqpalynda bolady.

Osyǵan deıin Shanhaıda aptap ystyq uzaqtyǵy boıynsha júz jyldyq rekord jańarǵany týraly jazdyq.