Elimizdiń aımaqtarynda borandy kúni jolda qalyp qoıǵan 133 adam evakýatsııalandy
ASTANA. KAZINFORM – Bul týraly QR Tótenshe jaǵdaılar mınıstrliginiń baspasóz qyzmeti habarlady.
Baspasóz qyzmetiniń málimetterine qaraǵanda, Jambyl oblysy Jýaly aýdanynda «Almaty-Tashkent-Termez» trassasynyń jabyq ýchaskesinde turyp qalǵan jol talǵamaıtyn avtokólikten 7 adam, onyń ishinde 1 bala jylytý pýnktine evakýatsııalandy.
Al Aqtóbe oblysy Baganın aýdany Kókbulaq aýylynan 15 km qashyqtyqta qar qursaýynda qalǵan jeńil avtokólikten 5 adam jaqyn eldi mekenge evakýatsııalady.
Oǵan qosa, Almaty oblysy Kegen aýdany Jalaýly aýylynyń mańynda qarǵa kómilip qalǵan jeńil avtokólikten 1 adam evakýatsııalandy.
Sondaı-aq Túrkistan oblysy Túlkibas aýdany Shaqpaq aýylynyń mańynda joldyń jabyq ýchaskesinde kólikterdiń keptelisi paıda bolyp, 2 avtobýs jolda qalyp qoıdy.
TJM qutqarýshylary ishinde 19 bala bar 120 jolaýshyny jaqyn jylytý pýnktine evakýatsııalady. Medıtsınalyq kómekke eshkim muqtaj bolǵan joq.
Azamattar qutqarýshylarǵa jedel áreketteri úshin alǵys bildirdi.
Osyǵan deıin kúnniń buzylýyna baılanysty Almaty oblysynda jol jabylǵany týraly jazdyq.