Elimizdiń aımaqtarynda áreket etip júrgen qylmystyq toptardyń 50 múshesi ustaldy - UQK

ASTANA. KAZINFORM – Ulttyq qaýipsizdik komıteti Memleket basshysynyń qylmys pen destrýktıvti áreketke qarsy kúreste qatań sharalar qabyldaý jónindegi tapsyrmasyn oryndaý boıynsha jumysty jalǵastyrýda, dep habarlaıdy vedomstvonyń baspasóz qyzmeti.

Baspasóz qyzmetiniń málimetterine qaraǵanda, 2024 jylǵy 18 qyrkúıekte UQK, ІІM jáne BP vedomstvoaralyq jedel-tergeý toby Astana, Almaty jáne Shymkent qalalarynda, sondaı-aq Aqtóbe, Atyraý, Almaty, Jetisý, Batys Qazaqstan jáne Pavlodar oblystarynda turaqty uıymdasqan qylmystyq toptyń múshelerin ustaýǵa arnalǵan operatsııa júrgizdi.

Barlyǵy 50 adam ustalyp, ishki ister organdaryna jetkizildi. Olarǵa qatysty tergeý amaldary júrgizilýde.

Olarǵa taýarlar men avtokólikterdi asa iri kólemde urlaý arnasyn uıymdastyrdy, sondaı-aq uıymdasqan qylmysty qarjylandyrdy degen kúdik keltirilip otyr.

20-dan astam adamnyń senimine kirip, 2 mlrd. teńgeden asa múlik tonaǵan.

Toptyń naqty ıerarhııasy men qatysýshylarynyń rólderi bólingen, olar qylmys pen destrýktıvti dinı ortanyń ókilderinen, sonyń ishinde túzeý mekemesinde jazasyn óteýshilerden quralǵan.

Tintýler barysynda bank kartalary, iri aqsha qarajaty, ekstremıstik ádebıetter, aqsha aýdarymdary jazylǵan jazbalar jáne tergeý úshin qyzyǵýshylyq týdyratyn ózge de zattar tabyldy.

Qylmystyq-protsestik kodekstiń 201-baby 1-bóligine sáıkes ózge aqparat jarııa etýge jatpaıdy.